50 مصري، جالة وستات كلهم مصيرهم مجهول بعد ما وقع الأتوبيس الذي كانوا يستقلوه من أجل ان يعملوا عمرة .. الأهالي حزينة ..ولا أحد يعرف إن كان أهله ضمن هؤلاء.
من فينا ما بيحلمش أنه يؤدى الفريضة، ويروح يزور مقام النبى الغالى ويعمل عمره، الكل طبعا، طيب مين فينا مابيتمناش أن آخر حاجة في حياته تكون هي صالح الأعمال، وتقريبا مافيش عمل صالح المسلمين يتمنوه أكتر من أن روحهم تطلع وهما بيعملوا عمرة، ده اكتر حاجه بيتمناها كل المسلمين المصريين.
وتقريبا ده اللي تمناه المعتمرين المصريين الـ 50 اللى عملوا حادثه في السعودية وهما في طريقهم أنه يعملوا عمره، الحادث وقع على طريق ( الجموم – مكة المكرمة ) يعنى يا دوب كان بينهم وبين مكة مسافة السكة، ولأجل حظهم اللى منعرفش هو حلو ولا وحش الأتوبيس انقلب بيهم، وفيه 3 مصريين روحهم طلعت للى خلقها، وأكتر من 40 مصري تانى حالتهم مش أفضل حال كلهم، كلهم فيهم أصابات، بس الإصابات متفاوتة، فيه فيهم اللى عنده كسر وفيهم اللى حالته سيئة خالص وربنا يلطف بيه، ادعولهم ياجماعه في التعليقات ربنا يلطف بيهم، مع أن اللى زى دول مش محتاجين دعاء، دول في حمى الرحمن وعنايته ورعايته، وأكيد هو اللى شايف ليهم الصالح أيه .. ربنا يرحم اللى روحهم طلعت ويسترها على المصابين، اللى حالتهم صعبه جدا، زى مانتم شايفين في الصور.
والكل دلوقتى شغال على المصابين، الكل عايز يوفر لهم سبل العناية، دول معتمرين بس الله الحرام، يعنى الكل في خدمتهم ومساعدتهم.
من أول ماحصلت الحادثه بالظبط وطلعت كل السلطات السعودية المعنية بالأمور دى على الأتوبيس اللى فيه المصريين، راحوا أخدوهم كلك اللى روحهم طلعت والمصابين، اخدوهم كلك على مستشفى “الصاعدى” بالسعودية، اتاكدوا من اللى روحهم طلعت وشغالين دلوقتى على اسعاف المصابين، زى ما انتم شايفين من الصور كده، ودى سيدة مصرية من اللى كانوا فى الأتوبيس وربنا نجاها منه، بس زى ما أنتم شايفين مش قادرة خالص، محطوطة على سرير العناية وفى صباعها دايما متركب جهاز قياس النبض، عشان يتأكدوا من صحتها، أما باقى المصريين المصابين في الحادث فا مافيش ليهم أي صورة من الحادث لحد دلوقتى.
اللى شاكك منكم انه ليه حد فى الأتوبيس اللى وقع ده، يحاول يتعرف على السيدة اللى فى الصورة دى ويحاول يتواصل معاها، هي أكيد تعرف مين كان معاها فى الاتوبيس، واللى ليه حد قريبه في العمرة دلوقتى، ياريت يشير الفيديو ده على صفحته عشان يعرفه اللي حصل هناك.
وفى النهاية عايزين نختم باللى قالته وزارة الخارجية المصرية، وأنها بتتابع أوضاع المواطنين المصريين في السعودية، وهي خلال الساعات دى ها تبلغ أهاليهم وتعرفهم بالأوضاع أول بأول، واللى عايزينكم تدعو لهم كلهم ويارب يعدوا منها خير وينجيهم منها يارب ياكريم، ادعولهم ياجماعه في التعليقات.
