حكمت المحكمة حضوريا على المتهمة نورهان خليل إحالة أوراقها لمفتى الجمهورية،رفعت الجلسة، دائما نسمع هذه الجملة في الأفلام والمسلسلات ويتبعها صرخات وصوت مرتفع يقول أنا ملوم يا سيادة القاضي، لكن هذه هي المرة الوحيدة التي تجد فيها الابتسامة على وجه الجميع بعد سماع هذا الحكم.
محامية المتهمة بيقول متفرحوش أوى كده وهتنقذها من عشماوى تفتكروا هيعمل إيه؟ ورد فعل خطيبها صادم رغم اللى عملته فيه ياترى بيدافع عنها ليه؟
القضية بقيت رأى عام ومن أول ما الواقعة تمت،ومن بعد إعتراقات المتهمين نورهان وحسين إنهم فعلا إرتكبوا الواقعة دى وحكوا التفاصيل الكاملة للواقعة ومثلوها كمان فى مسرح الجريمة ،ده غير الرسايل والمكالمات اللى تمت بينهم وكانوا بيتفقوا من خلاها ينهوا حياة أمها إزاى ..طبعا بقالنا فترة متابعين القصة كلها من أولها ولحد قرار النيابة بإحالة نورهان لمحكمة الجنايات،وإحالة المتهم اللى سنه أقل من 15 سنة إلى محكمة الطفل المختصة .
مصيرهم عشماوى
الغريب إن الكل الأيام اللى فاتت أتفق على رأى واحد ملهوش تانى إنهم لازم يكون مصيرهم عشماوى،والنهاردة فعلا كانت أولى جلسات محاكمة نورهان ومصيرها إتعرف إنه هيبقى عشماوى.
بطلان في أمر الإحالة للجنايات الخاص بالمتهمة
لكن محامية المتهمة نورهان قالت الحكم ده ممكن يتغير فى مرحلة النقض،وإن فيه بطلان في أمر الإحالة للجنايات الخاص بالمتهمة، لأن توقيع المحامي العام مش مكتوب بشكل واضح، وإنها طالبت بتعديل القيد والوصف من ضرب أفضى للرحيل إلى الرحيل، وده لانتفاء سبق الإصرار، و انتفاء الواقعة بركنيها المادي والمعنوي.
نورهان كانت بتنفذ أوامر المتهم حسين
مش بس كده المحامية قالت كمان إن البطلان موجود فى إعتراف المتهم،وإن مفيش قصد جنائي للمتهمة، وإن نورهان كل اللى كانت بتعمله بتنفذ أوامر المتهم حسين ،وكانت بتحاول الخروج الآمن من خطأ ممارسة الفاحشة.
نورهان مكانش فى نيتها خالص إنها تنهى حياة أمها
قالت كمان إن المتهم كان متعود يدخل بيت نورهان كتير وبشكل طبيعى وكانت المتهمة بتحاول تبعد عنه بعد خطوبتها، ويوم الواقعة لما جه علشان ينفذها نورهان مكانش فى نيتها خالص إنها تنهى حياة أمها .
هى اللى مجهزة ألة تلمة هيكون فى نيتها تنهى حياة أمها؟
المحامية بتقول كمان إنها كانت مقهورة ومجبرة من المتهم ،ومش مدركة إن ده ممكن يحصل ،وكل الجيران بيشهدوا بسمعتها الطيبة وقامت مستغربة وقايلة: هى اللى مجهزة ألة تلمة هيكون فى نيتها تنهى حياة أمها ؟وأكدت على وجود تناقض فى أقوال المتهم.
الحيوان مش ممكن يعمل كده فى أمه
طبعا النيابة أثتاء مرافعتها كانت شايفة إن نورهان إرتكبت واقعة أبشع من أى واقعة ممكن تحصل،وإنها إزاى ترتكب واقعة زى دى فى أمها ،ده الحيوان مش ممكن يعمل كده فى أمه ،ده غير طبعا علاقتها الغير شرعية مع طفل أصغر منها ب 6 سنين.
مش عايزين إلا القصاص لروح أختهم
أخوات الأم الراحلة،كانوا مش عايزين إلا القصاص لروح أختهم،وإنهم مش خايفين ولا عايزين ينقذوا نورهان زى ما إتردد الفترة اللى فاتت بالعكس لازم تاخد عقوبتها بتهمة إنهاء حياة والدتها مع سبق الإصرار والترصد.
القضاء إنتصر لحقها من بنتها
شقيقة المجني عليها قالت بعد سماع الحكم وهى فى حالة إنهيار : النهاردة شفت داليا بعد رحيلها،واللى كنا طالبينه هيتحقق،وإن القضاء انتصر لحقها من بنتها، وبتدعى ربنا يكون مصير المتهم حسين عشماوى هو كمان.
نورهان كانت بتحبني وقالتلي انت راجل أوي
الغريب بقى اللى مش مفهوم ومسبب حيرة لكل جمهور السوشيال ميديا هو رد فعل خطيب نورهان بعد سماع الحكم: انهار طبعا وقال نورهان كانت بتحبني وقالتلي انت راجل اوي.. هعيط عشان هيكون ده مصيرها..بلاش يكون ده مصيرها وطالب إن تاخد مؤبد بس متروحش لعشماوى،والسبب غريب.
عايز أشوفها طول حياتها ندمانة على اللى عملته فينا كلنا
محمد خطيب نورهان شايف إن وصولها لعشماوى هيكون راحة لها،وهو عايزها تتعذب ويشفى غليله على قد النار اللى من ناحيته لها وخيانتها له،وقال عايز أشوفها طول حياتها ندمانة على اللى عملته فينا كلنا وإن تفضل تتألم فى كل ثانية وتندم على حياتها المرفهه الجميلة اللى كانت عايشاها.
كنت هعيشها برنسيسة وفي مستوى أعلى
محمد قال أنا كنت هعيشها برنسيسة وفي مستوى أعلى، ولكنها إختارت اللى علاقتها معاه وصلتها إنها تتمنى الرحيل فى كل ثانية.
الحب هيجى مع الأيام مع المعاملة الحلوة اللي بيعاملني بها
نورهان خسرت كل حاجة، والأسوأ أنها خسرت علاقتها بربنا ،ولو كنت حسيت إنها إنسانة غير أمينة على قلبي كنت نطيت من المركب بسرعة، دى لما أتسألت بتحبى محمد قالت الحب هيجى مع الأيام مع المعاملة الحلوة اللي بيعاملني بها.
ياترى مصير المتهم حسين هيكون إيه؟
كلها أيام و وتنظر محكمة جنايات الأحداث بمحافظة بورسعيد، ثاني جلسات محاكمة المتهم حسين يوم الأحد الجاى 15 يناير،يا ترى هيكون مصيره إيه؟
