ضجة كبيرة شهدتها مواقع التواصل الاجتماعي، الساعات الماضية، بعد تعرض فتاه للتعدي بسلاح أبيض على يد شاب كانت تربطهما علاقة عاطفية.
وروت الفتاة تفاصيل الحادث، في منشور على صفحتها الشخصية بموقع التواصل الاجتماعي فيسبوك.
«نزلت تتسحر من غير إذنه».. شاب يشوه رأس وجسد حبيبته بالقاهرة
وقالت: “امبارح كان أصعب يوم عدى عليا، أنا مرتبطة بواحد اسمه محمد. س، واسم الشهرة جوردي، وانفصلنا من شهر، وكان بيحاول يرجعلي وكلم والدي في التليفون إن يبقى فيه حاجة رسمي”.
وتابعت: “بابا رفضه عشان شايفه مش مناسب ليا، وإن أنا لسه صغيرة، وبعدها كلمني وشدينا مع بعض في التيلفون، وشتمني أنا وأهلي.”
وأكملت: “نزلت اتسحر أنا وصاحبتي، وبعدها وأنا مروحة لقيته بيزنق عليا بالعربية، ونزل فتح الباب وراح طلع المطواة من جيبه، وغرزها في دماغي ومسكتش، وقام غرزها في رجلي”.
واختتمت: “أغمى عليا وأخدوني على المستشفى واتخيطت 24 غرزة.”
وأشارت الفتاة إلى أنها حررت له محضرًا بقسم الشرطة، وطالبت بالقبض عليه، وتجري جهات التحقيق، التحقيق مع المتهم حاليًا.
