مرتضى منصور طول فترة حبسه، لم يكن بمعزل عما يحدث بالخارج،بالعكس كان يركز فى كل صغيرة وكبيرة ،ويتابع كل أخبار أعداءه ويستحلف لهم عندما يخرج وأولهم الخطيب ! وقرر يجيب حقه من القريب والغريب
المستشار بيخطط على الهادى وكلها ساعات ويرجع يمارس حياته زى الأول وأكتر ويرجع مكانه ،ومش بس كده كل اللى إتكلم نص كلمه عليه أو على الزمالك فى غيابه..حسابه تقيل معاه! حسابه مع خالد مرتجى تقيل أوى..
إنتقام المستشار من الخطيب هيكون مختلف المرة دى ،مش هتصدف ناوى على إيه معاه،والقرارت اللى هياخدها مفاجأة..
المستشار قال كل اللى كالوه بط بط فى غيابى،هيطلع عليهم وز وز لما أخرج .. وقرر ينتقم من الخطيب بطريقته وهى الشغل! زى ما سمعت كده ،فالك الصراعات مجابتلهووش إلا الحبس ،هيحرق قلب الخطيب إزاى! بالأعيبة ..
اللعيبة هى اللى هتكون الأداة اللى هينتقم بقى منصور من الخطيب .. بعض المقربين بيقولوا أن مرتضى مش هيسكت بعد طلوعه من الحبس وأنه هيرجع يقود نادي الزمالك تاني وده اللي أكده سليمان وهدان أن مرتضى هيرجع لرئاسة النادي وكمان بيفكر في ضم صفقات قوية للزمالك في الصيف عشان يقدر يدخل المنافسة مع الأهلي
مش بس كده لكنه كمان ناوي ينتقم من الخطيب في الصفقات وإنه ضم عدد من نجوم الأهلي حتى لو بمبالغ مالية كبيرة وتكون مفاجأة صادمة للنادي الأهلي ومجلس إدارته برئاسة الخطيب،خاصة إن فى فلوس فى النادى بعد دخول فلوس صفقة إمام عاشور.
طيب هو ليه المستشار لسه حاطط خالد مرتجى فى دماغه!مرتضى منصور مبينساش ومعندوش يا أما أرحمينى ،غلطت ولا دوست له على طرف قول على نفسك بقى يارحمن يارحيم ،هتدخل فى سكة اللى بيروح مبيرجعش..
محدش يقدر ينسى اللى عمله منصور فى خالد مرتجى وشتيمته وأهانة والده إنه بطل نكسة 67 لما قاله اومال مين جاب النكسه لمصر مش اللوا مرتجي والدك؟
وده طبعا لإن مرتجى قال إن الأهلى عمره ما يرد والرد يكون بالشغل، الناس بتقول عدم الرد ضعف
أنا بقولهم لأ، القوة إنك تشتغل وتحقق حاجة كويسة هو دا الرد، وربنا علشان عارف النية كويسة، والناس كلها بتشتغل على قلب رجل واحد، برئاسة المحترم الخلوق المحبوب غصب عن أي حد، فربنا بيكرمنا
مرتجى مسكتش على الإهانة لا ،قدم بلاغ رسمى ضد منصور لتطاوله وإساءاته لوالده المرحوم الفريق أول عبدالمحسن كامل مرتجي أحد قيادات القوات المسلحة المصرية.
الغريب رد فعله لما المستشار إتحبس ..مرتجى أقام الأفراح وليالى الملاح..وقال بعلو صوته تحيا مصر ،3 مرات يا أخى قالها 3 مرات .
وبعد ما كان رد مرتجى بالشغل بس ،بعد حبس المستشار لاقاها فرصة علشان يهاجم الزمالك لما قال الزمالك مدين بالشكر للأهلي، بعد ما أصدر الراحل صالح سليم رئيس الأهلي وقتها، قرارا في التسعينيات بعدم المشاركة في بطولة أفريقيا، وفي هذه الفترة توج الأبيض بخمس بطولات قارية”
بس الحق يتقال المستشار وراه رجالة..يسدوا عين الشمس ،وكانوا واقفين فى ضهره،وبيردوا غيبته على أكمل وجه ..هشام نصر أبراهيم بن نجم الزمالك السابق رد عليه وقاله:هيموت على كرسى الرئاسة ،وعارف إن جمهوره هيطلع به السما لما يجيب سيرة الزمالك،علشان رئيس ناديه دلوقتى بيخلى لجان تتكلم لحسابه فقالك أطلع وأعمل بطل..
عايز تدخل اللعبة دى إستحملها للأخر ،مش أول ما يتجاب سيرتك تلبس بدلع أنا بن ناس ومدارس فرنساوى ومش برد على الكلام ده إستحمل !
حتى كمان خالد الغندور إستغرب من تصريحاته دى رغم إن المستشار مقالش حاجة وبقاله شهر مختفى فكده هو بيستفزه !
احنا بنعمل فتن و تعصب و خالد مرتجي بيعمل كنافة بالمانجة
الغريبة إن فى إيه مرتجى أطلب منه يسحب البلاغ والشكوى اللى قدمهم ضد منصور ..وفى إيه إن غاب القط ألعب يافار!
تخيل ده رد فعل نجوم الزمالك..أمال رد كبيرهم هيكون إيه ؟هل هيقدر يعمل حاجة فى مرتجى وناويله على حاجة! ولا ممكن يكبر دماغه ويعيش فى هدوء زى ما كان بيتمنى قبل حبسه؟
