أزمات بتواجه الزمالك من كل إتجاه و مسلسل الأزمات هذا لا ينتهى،مابين اللاعبين بتصرفاتهم فى المبارايات أو النادى والإندية الثانية،أو لاعب مع رابطة الأندية، مثل زيزو، وقد تخيلنا ان أخر ازماته هي عندما رفض استلام الجائزة بعد مباراة حرس الحدود في الدوري المصري، ولكنها كانت البداية وتطورت الأزمة ضد نادي الزمالك، فماذا حدث وما العقوبة التي ينتظرها زيزو هذا ما سنتعرف عليه من خلال التقرير التالي:
الزمالك رغم الإنجازات اللى حققها الموسم ده ووصوله لبطولة الدورى الممتاز للجولة التامنة،وهدفه يحقق إنجاز تاريخى وياخد اللقب للسنة التالتة على التوالى،إلإ إن وسط الإنجازات أزمات
ولكن هل ده ممكن يتم فى ظل كل التحديات والأزمات اللى الزمالك بيمر بها؟
الحقيقة فى أخر مباراة للزمالك كسب حرس الحدود ده برباعية دون رد فى المباراة اللى أقيمت باستاد القاهرة فى الدورة الثامنة لمسابقة الدورى المصرى الممتاز ،وبالنتيجة دى رفع الأبيض رصيده ل 20 نقطة.
ورغم الأهداف اللى حققها الزمالك وفوزه على الحرس، لقينا تصدر الزمالك للتريند مش علشان الفوز، ولكن بسبب رفض زيزو جائزة رجل المباراة.
زيزو لوحده سجل ثنائية فى فوز الزمالك علشان كده كان هياخد جائزة أفضل لاعب فى المباراة، ولكن زيزو رفض ،والكل بيسأل مصير زيزو إيه بعد تصرفه ده؟
الحقيقة بسبب رفضه ده كان لرابطة الأندية رد صارم وقوى وإنه زيزو هيدفع غرامة مالية ،وده طبعا وفقا للوائح الرابطة الخاصة بتجاهل أى لاعب إستيلام جايزة أفضل لاعب فى المباراة،فى حالة لو مفيش ظرف قهرى يمنعه من ده.
ومصدر من الرابطة قال إن وفقا لتقرير مراقب المباراة،زيزو إتأخر فى غرفة خلع الملابس بعد المباراة ،وده اللى خلى مراقب اللقاء يمشى،وزيزو ميستلمش الجائزة.
الحقيقة فى رأيين حوالين رفض زيزو للجائزة ،رأى بيقول إنه اعترض على تصويت الجماهير فى لاعب الجولة،وإن مفيش حد من لاعبى الزمالك فاز بها من بداية الموسم يعنى بمعنى أصح متضامن مع زمايله اللاعبين.
قبل كده مرتضى منصور صرح بإن جمهور الزمالك السبب في موضوع الرعاية .. لما بيتعمل استفتاء بيطلع لعيبة الأهلي 70 ألف وأحسن لاعب في مصر اللي هو زيزو محدش بيصوتله .. انتوا المسؤولين في كل حاجة بتحصلنا .. متخشوا على موقع الرابطة وطلعوا اللاعب بتاعكوا أحسن لاعب .. ده بياخدوه مؤشر للشعبية
أما الرأى التانى واللى كشفه الإعلامى هانى حتحوت هو إن إن الخطأ كان من منظمي المباراة، وإنهم أعلنوا الفايز بالجايزة متأخر بعد ما زيزو غير هدومه، وساعتها طلبوا منه يلبس هدومه تاني علشان يستلم الجايزة ويتصور بقميص النادي، لكنه رفض علشان ميطلعش ويتعرض لنزلة برد . قالهم لو عايزين تتصوروا هنتصور هنا فى غرفة الملابس وأنا لابس التريننج.
رابطة الأندية رفضت طبعا إنه يتصور بغير قميص الفريق، وخلع لوحة الاعلانات، وطبعا الكلام معاجبش لاعب الزمالك فقالهم بعتذر عن إستيلام الجائزة.
الغريبة إن حتحوت قال على لسان زيزو إنه متقالش فى الإذاعة الداخلية مين رجل المباراة اللى تم اختياره،فطبيعى خلص الماتش ودخل غرفة خلع الملابس وحصل الموضوع ده،لا لها علاقة بتصويت جمهور ولا رابطة أندية ولا أى حاجة من دى، وده بردوا اللى أكده أمير مرتضى منصور.
طبعا الرابطة هى اللى بتختار رجل المباراة،وعلى الدقيقة 87 كده ،بيتم الإعلان عنه من خلال المذيع الداخلى وبيخلص المباراة ويستلم الجائزة
والحقيقة إن الرابطة مش عاملة إختيار لأفضل لاعب فى الجولة هى عاملة تصويت جماهيرى،وده اللى وضحه حتحوت.
رابطة الأندية بتحقق في الموضوع علشان ثبت إن الخطأ مين، من مراقب المباراة ولا فعلا متقالش إسم الفايز بالجايزة؟ علشان لو توصلوا إن زيزو السبب هيتم توقيع عقوبة مالية عليه ،وده طبعا وفقا للوائح.
