خناقة كبيرة جدا بين كابتن محمود الخطيب وكابتن سيد عبد الحفيظ بعد مباراة الأهلى الأخيرة مع الداخلية، بسبب المستوى الذي وصل له النادى الأهلى والأداء السئ للاعبين طول فترة المباراة، على حسب الكلام المتداول كابتن الخطيب انفعل على سيد عبدالحفيظ.
إيه اللى حصل داخل النادى الأهلى بعد مباراة الداخلية وحقيقة الخناقة الكبيرة بين كابتن محمود الخطيب وسيد عبد الحفيظ ؟ وهل هيمشي ويجي مكانه حسام غالي؟.. كل ده وأكتر هنعرفه مع بعض في الفيديو ده.
خلال الساعات اللى فاتت اتسرب كلام على السوشيال ميديا وبعض المواقع الإخبارية أن كابتن محمود الخطيب رئيس النادى الأهلى اتخانق مع كابتن سيد عبد الحفيظ بعد مباراة الداخلية الأخيرة، بسبب الأداء السيئ اللى ظهرت بيه اللاعيبه خلال المباراة والمباريات اللى قبلها.
على حسب ماهو متداول فالكابتن محمود الخطيب تواصل مع سيد عبد الحفيظ بعد المباراة على طول وزعق وعلى صوته عليه، وقاله” هو فيه إيه يا سيد، الفرقة مالها إيه اللي بيحصل بالظبط”، وسيد الحفيظ من الخضة ما نطقش وما قلش ولا كلمه، فضل ساكت ويقول للخطيب حاضر وخلاص، مش عارف يرد يقول إيه بعد الأداء السيئ اللى فعلا ظهرت بيه لاعبى الاهلى خلال الفترة اللى فاتت، مش مباراة الداخلية بس.
الخطيب علق لسيد عبد الحفيظ على سوء أداء لاعبي الأهلي في مباريات الهلال السودانى وصن داونز ثم الداخلية وحتى مباراة أسوان اللى كان الأداء فيها كويس فقط في الشوط الأول من المباراة وبعدها الأداء كان سيئ جدا.
وطلب كابتن محمود الخطيب رئيس النادى الأهلى من سيد عبد الحفيظ مدير الكرة في النادي تقرير وافي عن حالة الفريق وأسباب تراجع النتائج خلال الفترة الأخيرة وخطة الجهاز الفني عشان يعالجوا ده خلال الفترة اللى جايه.. مش بس كده ده كمان مع ظهور حسام غالي، نجم الأهلي وعضو مجلس الإدارة في مران الفريق الأيام اللي فاتت بدأت تظهر كلام كتير عن أنه اللي هيتولى منصب مدير الكرة في الأهلي الفترة الجاية.
لحد هنا ونكون وضحنا أن فيه كلام على السوشيال ميديا عن خناقة بين كابتن الخطيب وسيد عبد الحفيظ، فهل الكلام ده فعلا حقيقى ولا مجرد كلام سوشيال ميديا؟
على حسب كلام الإعلامى أحمد شوبير، اتضح أن الموضوع مجرد كلام بوستات على السوشيال فقط لا غير، شوبير، لأنه قال عبر برنامجه التلفزيوني أن كل الكلام عن خناقة ومشاهده حتى بالصوت بين كابتن الخطيب وسيد عبد الحفيظ بعد مباراة الأهلى والداخلية الأخيرة، ده كلام فاضى ماحصلش.
شوبير قال نصا: “هناك بعض الأقاويل التي انتشرت خلال الساعات الماضية عن تواصل محمود الخطيب مع سيد عبدالحفيظ، بعد مباراة الداخلية وانفعاله عليه بسبب الأحداث التى جرت عقب المباراة، هذا الأمر لم يحدث على الإطلاق، ومحمود الخطيب رئيس النادي الأهلي لم يتواصل مع سيد عبدالحفيظ من الأساس، ومشوار بطولة الدوري بالنسبة للمارد الأحمر ما زال طويلًا ولم ينته بعد، كما أن التعادل فى الدوري مش نهاية الكون”.
لحد هنا ونكون وضحنا أن فيه أقاويل مختلفة عن خناقة نشبت بين كابتن الخطيب وسيد الحفيظ، الناس على السوشيال ميديا بتقول أنها حصلت وفيه اللى جاب جزء من كلام بيقولوا أن الخطيب قاله لسيد عبد الحفيظ، وفيه رأى تانى وهوا رأى كابتن أحمد شوبير وأن مافيش أي تواصل من الأساس تم بين الخطيب وسيد عبد الحفيظ، أنتم من رأيكم مين اللى صح، هل الخطيب وسيد فعلا اتخانقوا والأعلام بيدارى عليهم، ولا فعلا مافيش حاجه حصلت بينهم.
