رد الإعلامي إبراهيم فايق، على رئيس مجلس إدارة نادي الزمالك مرتضى منصور، وذلك بعد هجوم الأخير على والدته المتوفية عبر قناة ناديه بشكل غير لائق.
ونشر إبراهيم فائق، مقطع فيديو جديد لها على حسابها الشخصي، عبر موقع تبادل التواصل الاجتماعي فيسبوك.
وقال إبراهيم، خلال الفيديو: “الحمد لله، الواحد طالع من بيت متربي، أبويا شقي أوي على تربيتي، وأمي الله يرحمها زرعت فينا حاجات كتير مازلت عيش بيها”.
وتابع: “ناس كتير بتفهم إن المحترم بيتأكل حقه، بس ده مش حقيقي لكن المحترم ممكن في أي وقت يرد على أي حشرة تغلط فيه”.
وأضاف :” الأمر وصل إلى ما لا يطيقه بشر، مناس تقولي متردش، ومعروف إنه راجل مش كويس، وناس تقولك الصمت لغة العظماء، وناس تقول لا تصارع خنزير في الوحل فتتسخ، لكن أنا مش بفهم الكلام ده”.
وأشار:” أنا هعيش مرة واحدة بس، هعيشها مرفوع الرأس دكر على أي حد، ولا عمري هعرف أغير نفسي ولا عمري هتغير”.
وأوضح :” يا أخي أنت بقي عندك 80 سنة بلغت من العمر أرذله رجلك والقبر، أنت اللي زيك يفكر في أخرته يعمله حسناته يقابل بيها ربنا، بس أنت مستهون من المقابلة، مستهون من دعوات كل أمهات المصريين وكل الستات اللي أنت خضت في عرضهم”.
واختتم :” أمي اللي أنت سيرتها جزمتها برقبتك أنت ومليار واحد من عينتك، واوعي تفتكر إنت حد هيسكتلك أنت جعاع وأونطكي، وخلي بالك أنا مش فارق معايا أي حاجة، هعيشها مرة واحدة وهيعشها مرفوع الرأس، أنت سوابق وعليك حكم محكمة يا سوابق، والواحد قرفان يقول اسمك اللي ملتصق بكل الشتائم والسباب”.
