هجوم شرس من الإعلاميين على كابتن محمود الخطيب، رئيس النادى الأهلى، الإعلاميين هاجموا أيضا من حلو الخطيب ووصفوهم بشل ةالطبلاتية، فهل يخططون لعزلهم جميعا من إدارة الاهلي؟
مين هما الإعلاميين دول اللى عايزين يعزلوا الخطيب ؟ وهل هيقدرا أصلا يعزلوه ولا إيه ؟ .. كل ده واكتر هنعرفه مع بعض في الفيديو ده؟
تقريبا كده فره وجات في الأندية المصرية كلها، مرتضى منصور يتحبس ودلوقتى الإعلاميين طالعين في هجوم شرس على كابتن محمود الخطيب عايزين يعزلوه هوا كمان من النادى الأهلى، وكله على حسب كلامه بموافقة الجمهور، فا يجماعه من البداية كده اللى موافق على عزل الخطيب يتفضل يقول في التعليقات واللى مش موافق يقول برده، عشان نشوف مع بعض إيه الكلام اللى بيقوله الإعلاميين دول في حق كابتن محمود الخطيب.
من كام ساعه كده طلع الإعلامى محمد الباز اللى هو بيظهر على قناة النهار، طلع وقال على صفحته على فيس بوك، كلام مش حلو خالص على كابتن محمود الخطيب والشلة اللى معاه على حسب كلامه، يعنى مش الخطيب بس، لا ده عدلى القيعى وكل الجماعة اللى مع محمود الخطيب، وبيقول الباز أن الجماهير موافقة على الكلام اللى بيقوله ده، وهى أنه الخطيب ضيع النادى الأهلى، وزي ما شفتم المباراة الأخيرة للأهلي مع صن داونز والخسارة الكبيرة هي خير شاهد على فشل الخطيب.
ده كمان وجه الباز اتهام للخطيب بنفسه وقال انه بيصرف فلوس النادى الأهلى على الشله اللى حواليه ومش فاضى يشوف أمور النادي، الشله دى زى ما انتم سامعين كده، عدلى القيعى ومحسن صالح وزكريا ناصف واسامه حسنى وأمير توفيق وأيمن شوقى وسيد عبد الحفيظ، وغيرهم وغيرهم كتير .
ووجه الباز سؤال للخطيب انت ليه ياخطيب مش بتعمل تدوير داخل النادى الأهلى، بالعربى كده بيقول للخطيب اعتزل وسيب الفرصة لحد تانى يمسك مكانك فى النادى، وانت كفايه عليك لحد كده، ضيعت النادى فى الماتشات وكمان صارف الفلوس على حبايبك من الشلة اياها.
ومش بس لوحدة محمد الباز اللى بيقول كده، ده كمان طلع الإعلامي تامر أمين وجاب من النهايه كده، وقال فيما معناه ياخطيب لازم تمشى، النتائج سيئة جدا، وانت طول الفترة الأخيرة جايب النادى الأهلى لورا، خلاص مابقاش الأهلى عارف يكسب ماتشين على بعض.
اللافت بقى أنه كمان تامر أمين وجه رساله لكابتن الخطيب بخصوص الشله اللي معاه، وقاله مشى اللى معاك وجيب ناس جديدة شباب، وصفقات من العيار التقيل اللى تليق بالنادى الأهلى”.
والصراحة تامر أمين في كلامه اللى قاله للخطيب قال جملتين مهمين جدا، قال:” الأهلي ملك لجمهوره وهو السند الأول واللاعب الأول وفق الخطيب، الأهلي وجمهوره رقم واحد ولذلك لابد من الاستماع إلى السند، ورقم واحد لن يخذلك أو يخدعك أو يضلك”.
لحد هنا ونكون خلصنا الكلام اللى قاله الإعلاميين في حق محمود الخطيب، وأظن دلوقتى جه الدور لمعرفة هل كلام الإعلاميين دول يقدر يعزل الخطيب من مكانه من رئاسة النادى الأهلى ولا لا ؟ والحقيقة الإجابة على السؤال ده صعبة جدا، مانقدرش نجزم يقدروا فعلا ولا لا؟ بس أنتم ليكم الفرصة أنكم تكتبوا في التعليقات وتقولوا رأيكم يقدروا ولا إيه؟ وهل الخطيب فعلا مقصر اليومين دول ولا إيه ؟
