كشف الدكتور أحمد أشرف عيسى، استشاري القلب والقسطرة وطب القلب الرياضي بجامعة عين شمس، والطبيب المعالج للاعب الراحل أحمد رفعت، تفاصيل جديدة عن وفاته اليوم.
وقال عيسى: : «رفعت بيتابع معايا بشكل أسبوعي على التليفون، وكل 15 يوما عندي في العيادة والأمور كانت كويسة جدًا، وكفاءة القلب بتاعته الله أكبر كانت اتحسنت جدًا وكان عنده استجابة غير عادية في وقت قصير».
طبيب أحمد رفعت يكشف سر صادم عن وفاته
وتابع: «أنا كنت معاهم طول الليل في المستشفى، واللي حصل كان من غير أي مقدمات خالص، يعني لا فيه وجع في الصدر ولا حاسس بدوخة ولا عايز يرجّع مفيش أي أعراض تقول أنّ ده هيحصل».
وأشار إلى أنه تلقى اتصالًا هاتفيًا من شقيقه عندما أصيب بتوقف القلب في المنزل، فطلب منه توصيل أحمد رفعت بجهاز قياس نبضات القلب، ليجد أنّه أصيب بحالة تعرف بتوقف الانقباض «Asystole».
وأكمل: «لما أخوه وصله بالجهاز ده أنا لقيت القلب وقف خالص مفيش أي نوع من النشاط الكهربي خالص، قولت لهم نطلع بيه لأقرب مستشفى».
واختتم: “أنا لحد دلوقتي مصدوم، وأنا وزمايلي الأطباء بنتناقش عشان نشوف سبب للي حصل ده لكن في الآخر ده نصيب، وهو عمره انتهى، في المرة الأولى كان عندي تفسيرات كتير أوي، لكن المرة دي مش لاقي تفسير»
ونعى الحساب الرسمي لرابطة الأندية المصرية لكرة القدم، أحمد رفعت لاعب فريق مودرن سبورت ومنتخب مصر، والذي توفي في الساعات الأولى من صباح اليوم السبت، بعد أزمة صحية مفاجئة.
وكتب حساب الرابطة: رابطة الأندية المصرية المحترفة تنعي أحمد رفعت لاعب نادي مودرن سبورت.
وكان الحساب الرسمي لنادي مودرن سبورت، وفاة أحمد رفعت صانع ألعاب الفريق في بيان رسمي، وذلك بعد مروره بوعكة صحية على مدار الأشهر الماضية
وجاء بيان مودرن سبورت كالتالي:
﴿يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي﴾
ببالغ الصبر والحزن وبمزيد من الإيمان بقضاء الله وقدره، يعلن نادي مودرن سبورت عن وفاة أحمد رفعت لاعب الفريق الأول ومنتخب مصر أثر تدهور حاد في حالته الصحية، تم نقله على أثره إلي المستشفى ليتوفاه الله، بعد رحلة شاقة من الصراع بعد الأزمة الصحية التى حدثت له يوم 11 مارس 2024.
بقلوب يعتصرها الحزن لا نملك إلا الرضا بأقدار الله يتقدم النادي بخالص التعازي لأسرة اللاعب وجماهير الكرة المصرية داعين المولى عز وجل أن يتغمده بواسع رحمته ويسكنه فسيح جناته ويلهمنا جميعاً الصبر والسلون.
اقرأ ايضا:
