نفس السيناريو الذي نتابعه منذ عدة أشهر، مسلسل الأزمة المالية للزمالك مستمر وفى تطور للأسوأ،والخلافات بين المستشار مرتضى منصور وممدوح عباس لا تهدأ ولا يتوصلوا لأي حل، خاصة بعد الحكم يتأييد الحجز على أرصدة الزمالك ورفض الإستشكال الذى قدمه منصور.
لكن الساعات الماضية مرتضى منصور كشف مفاجأت كانت صادمة للجمهور وخاصة بالحجز على الأموال بس المرة من قبل وزارة المالية، ومش هتصدق طالب وزارة المالية بإيه؟ يلا نعرف تطورات الأزمة وصلت لفين؟وإيه الرسالة اللى وجهها لممدوح عباس؟
نشكركم لحسن تعاونكم معنا،فلوس الدولة راحت للدولة..ولا عزاء للأغبياء، ده اللى نشره مرتضى منه على صفحته الشخصية بيعلق فيه على خطابه لوزارة المالية واللى أكد فيه إنه وجه خطاب رسميا لمحمد معيط وزير المالية، يطالبه بالحجز على أرصدة النادي في البنوك لصالح الضرائب.
و قبل ما ينشر صورة من الخطاب قال فى تصريحات له على قناة الزمالك تواصلت مع وزير المالية علشان يتم الحجز على حساب النادي البنكي، للحصول على مديونية الضرائب بتاع الزمالك، والمحجوز عليه بردوا من قبل ممدوح عباس.
وكمل وقال أخطرت وزير المالية بخطاب رسمي أن له الأولوية في الحجز على الفلوس المحجوز عليها في البنك، مصلحة الضرائب هتحصل على الأموال المحجوز عليها في البنك لأن ده دين سابق ومقدم على أي دين آخر لأي شخص.
وإن الضرائب هتحصل على 60 مليونًا أو 70 مليونًا، والضرائب دى كانت في عهد ممدوح عباس نفسه، وأنا دفعت 120 مليون جنيه ضرائب على ممدوح عباس سنة 2020
كشف مرتضى منصور أن الحساب اللى فيه فلوس الزمالك هو نفس الحساب اللى هيحجز عليه ممدوح عباس واللى فيه حوالى 60 مليون جنيه.
وشدد مرتضى منصور إن عباس مش هياخد ولا مليم من الفلوس لأنها حق الزمالك ومال عام وهيروح للدولة المصرية ممثلة في وزارة المالية.
وقال أنا ليا 30 مليون جنيه عند نادي الزمالك، كنت إتبرعت بمبلغ مليون دولار لما كان النادى بيمر بأزمة مالية،ولو قدمت طلب هاخدهم ،ولكن مش هعمل كده لإنى بحب الزمالك.
ووجه الخطاب ده فعلا وقال فيه
نتشرف بالإحاطة بأن مأمورية الضرائب دائنة لنادي الزمالك بعشرات الملايين من الجنيهات فالرجاء من سيادتك الحجز على حساب نادي الزمالك.
وكشف فى الخطاب ده عن أرقام الحساب الخاصة بالزمالك والمبالع المالية اللى فيها وكانت ما بين 44 مليون جنيه،و4 مليون جنيه،يعنى الإجمالى بالمصرى 48 مليون جنيه.
وحساب تانى بالدولارفيه حوالى 335 ألف دولار ،والأخير باليورو وفيه حوالى 5 ألاف يورو،وقال إن ده لإستيفاء حق الضرائب وإسقاطها من الضرائب المستحقة على الزمالك.
ده فعلا الخطاب اللى وجه مرتضى منصور لوزير المالية،وزى ما يكون ده المخرج القانونى الوحيد له إنه يدخل الحكومة فى الموضوع ،وكده تبقى المشكلة بدل ما كانت بين ممدوح عباس وبينه لا بقيت بين وزارة المالية وممدوح عباس وعايز فلوسك عليك وعلى الحكومة.
منصور قال قبل كده أن ممدوح عباس حصل على أمواله 4 مرات قبل كده ، والمحكمة قالت أنه لا يجوز الحجز على أموال الزمالك لأنها أموال عامة، هل تم تغيير القانون؟ وإستغرب وقال مش عارف
وأكد مرتضى منصور أنه هيستمر فى معركته القانونية ضد ممدوح عباس لإثبات حصوله على مديونيه ٤ مرات بعد ارسال ملفات كاملة بالأزمة لوزير العدل بيثبت ده وهيتم الاستئناف أمام محكمة النقض.
تصرف منصور قانونيا ،ناس بتقول إنه إجراء قانونى سليم وهيكون فى صالح الزمالك،وناس بتقول العكس،وبما إنه فى الأول والأخر محامى فأكيد المخرج ده قانونى 100% ولا إنتو رأيكوا إيه؟
الحقيقة مفيش حد متضرر من الطرفين ،الزمالك هو الوحيد اللى هيتأثر بالأزمة والخلافات دى ياترى هنخلص من الدوامة دى إمتى وإزاى ؟ ده اللى هنعرفه الساعات الجاية تابعونا.
