أزمة الزمالك مازالت مستمرة ،ومن االواضح أنها لن تتنتهى بسهولة خاصة بعد الحكم بتأييد الحجز على أرصدة الزمالك ورفض الإستشكال الذى قدمه منصور،وبعد ما كان هذا الحل الوحيد قدام مرتضى منصور،وبعد محاولاته الكثيرة من كل إتجاه علشان يحل الأزمة فشل فى هذا.
بس الساعات اللى فاتت مرتضى منصور كشف مفاجأت لأول مرة فى القضية ضد عباس وصرح عن إجراء قانونى هيكون ده الحل على حد قوله ما تيجوا نعرف التفاصيل ،ومرتضى منصور هيعمل إيه مع ممدوح عباس ؟
بعد الحكم برفض الإستشكال ،الكل كان منتظر رد وتعليق مرتضى منصور على الحكم ده،وهو نشر على صفحته الشخصية بيقول إنتظروا بالصوت والصورة بيان عاجل هيكشف فيه بعض الحقائق والمفاجأت.
وفعلا خلال الساعات اللى فاتت ظهر مرتضى وكان أول تعليق له غير متوقع للجمهوروقال أنا بحترم أحكام القضاء،ولكن إيه هى الحقيقة وإيه هى أحكام القضاء
الإجابة قالها منصور،الحقيقة هي أن ممدوح عباس حصل على أمواله 4 مرات قبل كده ، والمحكمة قالت أنه لا يجوز الحجز على أموال الزمالك لأنها أموال عامة، هل تم تغيير القانون؟ وإستغرب وقال مش عارف.
ووجه مرتضى منصور تساؤلات للمسؤولين في الدولة، بشأن القرار ده والحجز على المال العام، خاصة وأن الزمالك يمتلك أصول ومش المنطقي الحجز على كيان ثابت متواجد،الزمالك مش شخص هيهرب بالفلوس.
مرتضى قال عارفين ليه أنا هادى؟ علشان الأموال اللى تم الحجز عليها هي أموال عامة وأموال الدولة، ونادي الزمالك خارج القصة دى ،ولو كانت أموالي كنت هتكلم
والقضية مخلصتش على كده لا فى خطوات قانونية تانية هياخدها ضد عباس ويقدم طعن على القرار ده وأكد إنه هيعمل كده فعلا. وده يوضح للجمهور إن رفض الإستشكال مكانش الحل القانونى الوحيد زى ما قال البعض.
مرتضى قال كمان ردا على ممدوح عباس كل اللى حصل ده مش هيأثر على الموقف المالي للزمالك، وأن كل الفريق الرياضية هيتم تحويل جزء من مستحقاتها بداية من النهاردة ، والجزء التانى هيكون يوم الأحد.
مش بس كده كمان قدم المستندات اللى تؤكد حصول ممدوح عباس على فلوسه وتم رفض التظلم، فضل يتساءل عن إزاى سايبين ممدوح عباس يعبث فى الزمالك زى ما هو عايز كده؟
ومن رفض التظلم ده هو واثق إن فى خطأ حصل فى الإجراءات أو ممكن تكون المستندات اللى هو قدمها موصلتش للقاضى .
من ضمن تساؤولات مرتضى فى بيانه إن ليه محامى ممدوح عباس مبيحضرش جلسات المحكمة؟ وإيه علاقة استقرار الفريق بالفلوس اللى هتاخدها؟
ده طبعا ردأ على المحامى لما قال رغم كل الإهانات اليومية اللى بيتعرض لها من إدارة الزمالك إلا إنه رفض ياخد أي إجراء تنفيذي بخصوص الأحكام النهائية واجبة النفاذ، إلا بعد انتهاء كل البطولات الرياضية التي داخل فيها النادي وانتهاء الموسم الرياضي،علشان ده ميأثرش على الفرق الرياضية.
ووجه منصور رسالة لممدوح عباس، وقاله مش هتاخد الفلوس دى بردوا، واللى خدته قبل كده مش من حقك.
أنا ليا 30 مليون جنيه عند نادي الزمالك، كنت إتبرعت بمبلغ مليون دولار لما كان النادى بيمر بأزمة مالية،ولو قدمت طلب هاخدهم ،ولكن مش هعمل كده لإنى بحب الزمالك.
و حرص مرتضى منصور على توجيه رسالة بيطمن جمهور الزمالك بشأن الوضع المالي،وبيأكد أن ممدوح عباس مش هياخد حاجة،وبيطلب منهم احترام أحكام القضاء. فهل فعلا أزمة الزمالك هتنتهى ، ولامسلسل الأزمات ده مش هيخلص؟
