كشف الإعلامي مهيب عبد الهادي مصير محمود كهربا لاعب الفريق الكروي بنادي الأهلي، مع الفريق خلال الفترة المقبلة، في ظل وجود محمد رمضان المدير الرياضي الجديد.
وقال مهيب في تصريحات تلفزيونية: «لاعبو الأهلي بيحترموا محمد رمضان وبيقدروه جدًا، وسعداء بوجوده».
وتابع: «الكابتن محمد رمضان قليل الظهور والتواجد مع اللاعيبة على فكرة، لأنه واضع نظام معين معاهم، وهما سعداء بيه جدًا».
وواصل:«الأهلي سيفاجىء الجميع في السوبر المصري، من حيث الالتزام والانضباط والكرة الممتعة، لأن لاعيبة الأهلي مركزين وواخدين الموضوع جد، مش زي المرة اللي فاتت كان عايزين يحتفلوا وخلاص، لا المرادي كرة وبس».
وتابع:«رايحين عشان يقولوا لجماهير الأهلي أننا آسفين على اللي حصل، ونجوم الأهلي سعداء بالتغييرات الجديدة في المنظومة».
وأضاف:«كهربا قاعد في النادي الأهلي ومكمل لغاية ما يعتزل بقميص «الشياطين الحمر» من الأخر كد».
وأتم: «وكولر متحفظ على صفقة زيكو لأنه شايف أن اللاعب يجي منه كمان سنتين مش دلوقت لكن سيكون سنه كبر، لذا طالب من إدارة الأهلي بحسم الصفقة المنتظرة، واللي حددها معاهم في وقت سابق».
