مازالت أزمة كهربا مع الناي الزمالك مستمرة، وقد تؤثر على مشاركة اللاعب في كأي العالم للأندية فمذا يستيطع أن يفعله الزمالك مع كهربا؟ هذا ما سنتعرف عليه من خلال التقرير التالي:
الايام اللى جايه شديدة قوى وعصيبة على كابتن محمود كهربا، فيها احداث ممكن تغير مصير حياته حرفيا، ده ممكن يبطل لعب كرة أصلا، مش يتمنع بس من المشاركة في كأس العالم للأندية، والسبب في ده هيكون في إيد المستشار مرتضى منصور، تعالو بينا نعرف ليه.
فى البدايه خلونا نعرف أن كأس العالم للأندية ميعاده يوم 1 فبراير اللى جاى، ويوم 2 فبراير ميعاد جلسة كهربا مع الاتحاد الدولي لكرة القدم، ودى بقى المفاجأة، هيناقشوا فيها اللاعب ما دافعش ليه الفلوس اللى عليه لنادى الزمالك.
الفلوس كتير والرقم ضخم، وكهربا لحد دلوقتى مادفعش، ده اللى يخلى المستشار مرتضى منصور صاحب الأمر في مشاركة كهربا فى كاس العالم حرفيا.
خلوني بس أفهمكم، كهربا ممكن يلعب أول ماتش للأهلى اللى هوا يوم 1 فبراير، ده عادى جدا، بس من تانى يوم يكون مصيره غير معلوم، ماحدش يعرف هايكمل لعب ولا لا، لان في اليوم ده هيكون التحقيق معاه في الفيفا، والمستشار مرتضى منصور تقريبا كده والله أعلم مستف ورقه على الاخر وعايز يقعد كهربا في البيت، فا ممكن يكون الماتش بتاع يوم 1 يناير ده، هو الماتش الأخير له مع الأهلي في كأس العالم.
في نفس الوقت ممكن كهربا يكمل لعب في كأس العالم للأندية، ازاى ده يحصل بقى، الكابتن محمود فايز الخبير في كرة القدم وقوانينها، قال ان الاتحاد الدولى للكرة ممكن يتعاطف مع كهربا ويقف في صفة، بس طريقة مش ظاهرة شويه، تعالوا بينا نعرف أزاى.
فايز قال في تصريحات ليه تلفزيونية، أن الاتحاد الدولى لما يحقق مع كهربا هيساله عدد من الأسئلة، أولها أنت ليه لحد دلوقتى مادفعتش الغرامة اللى عليك للزمالك، وهنا كهربا ممكن يتحجج ويقول أنه بسبب الدولار وسعرة اللى على في البلد اليومين ده، وانه طالب يدفع الغرامة بالمصرى بعد ما كانت بالدولار، وممكن الاتحاد فعلا يوافق ويبدأ يخلى كهربا يرجع يلعب.
طيب لو الاتحاد ما وافقش إيه اللى ممكن يحصل، طلع أن كهربا كمان عامل حساب النقطة دى، والمحامين بتوعه هيماطلوا في العمليه شويه، ويطلبوا من الاتحاد الدولى تقسيط الغرامة دى من على كهربا، ولو تم الموافقة فعلا، وكهربا كمان التزم ودفع أول قسط من الفلوس اللى عليه، ده يخليه يكمل لعب باقى مباريات كأس العالم للأندية.
كل الكلام اللى فات كنا بنتكلم فيه على الاتحاد الدولى لكرة القدم، ونسينا أن فيه طريقة سهله قوى ممكن تخلى كهربا يكمل لعب عادى في كأس العالم للأندية، وهي أن سيادة المستشار مرتضى منصور يرضى عن كهربا، أو حد يقنعه يرضى عنه ويتنازل عن الغرامة، وهو يقدر يعمل كده فعلا، بس ما اعتقدش انه هيعملها، خصوصا ان كهربا جاب في الزمالك جون في الماتش الأخير مع الأهلى، والجون ده كان بوابة لاجوان كتير دخلت شباك نادى الزمالك، وتسببت في خسارتهم، وده زعل المستشار جدا وغضب جدا، وهو وقت الغضب مابيرحمش حد.
بس خلونا نصبر ونشوف، يمكن الأمور تتعدل مع كهربا والمستشار يرضى عنه، أو أن الفيفا توافق على طلبات كهربا وتقسطله الغرامة وكمان تغييرها من دولار لجنية مصري.
