يبدو أن الخلافات بين الموزع الموسيقي أحمد إبراهيم وزوجته الفنانة أصالة نصري لم تنتهي، لا سيما عقب انفصال الأخيرة عن المخرج طارق العريان رسميا خلال الفترة الماضية.
وخلال لقائه مع برنامج «ET بالعربي» علّق الموزع أحمد إبراهيم على تصريحات أصالة وطارق العريان ضده بعد زواجه من أنغام، وبشأن ما تردد بشأن محاولات الفنانة سميرة سعيد للصلح بينهم، بأن تدعو الجميع لعشاء في منزلها.
اقرأ أيضًا
بعد 13 عامًا على اعتزالها.. لن تصدق كيف أصبح شكل شيماء عقيد
لهدا السبب امتنعت يسرا عن حضور جنازة نادية لطفي
وأكد أحمد إبراهيم أن الفنانة سميرة سعيد قامت بالفعل بعدة محاولات لتقريب وجهات النظر، بحسن نية منها، مضيفا: «حصل كذا اتصال بينا.. وهي قلبها كبير يعني.. بس احنا مفيش حاجة كانت من طرفنا، ومعندناش مشكلة مع حد على.. فكرة هو الحد اللي عنده مشكلة».
⭕️حصري: قصة الموزع أحمد ابراهيم و علاقته بأصالة و طارق العريان معروفة للجميع…و بما أنه لم يعلق بعد على تصريحات @AssalaOfficial ضده بعد زواجه من أنغام @Angham
ETبالعربي سأله عن رده والأهم تعليقه على انفصال #أصاله… والرد كان مفاجيء؟
المزيد هنا🔽https://t.co/l83qYbLixv pic.twitter.com/Qwzi0wJg7B— ET بالعربي (@ETbilArabi) February 9, 2020
تابع أنه يكن كل الاحترام لأصالة ويراها فنانة كبيرة، وأنه يراعي «العشرة» التي جمعته بالأخرين، قائلا: «إحنا في مصر بنراعي العيش والملح جدا.. وأنا براعي العيش والملح اللي بيني وبين أي حد حتى لو كان في تصريحات مستفزة لغاية النهاردة وفي أسرار كتيرة مبقولهاش على فكرة، يمكن لو قلتها هتبقا محرجة لناس كتير.. في ناس ممكن تدعي إنهم مش مهتمين أو مش في الصورة وهو العكس خالص حصل».
في نفس السياق، أشار إبراهيم إلى أن تصريحات أصالة ضده إبان زواجه هجوم لا يليق، لأنه لا يحق لأي إنسان التدخل في الحياة الشخصية لغيره، قائلا: «والمفروض إنه من باب القرب حتى لو في رأي في حاجة أو وجهة نظر، أو عندي استفسار بما إننا قريبين من بعض، نتكلم بينا وبين بعض مش على الملأ».
تابع: «أنا مش شايف إن كان في خصومة أصلا، حتى لو كان في خصومة مينفعش تبقا تحت مبدأ إذا خاصم فجر، وأنا كنت براعي جدا وأنا بتكلم إني مغلطش في حد، ودايما أكون بحترم الناس كلها، وبحترم أولادي وحتى الناس اللي حصل بينا فا ده خلاف من طرفهم مش من طرفي أنا».
وعن رأيه في انفصال أصالة عن العريان، أكد إبراهيم أنه لا يعرف إن كان هذا الأمر حقيقيا أم لا، لأنه لم يتابع تلك القصة، مضيفا: «متابعتش أوي الموضوع ده ومعرفش بكرا فيه إيه.. الواحد بيتكلم كلام ميعرفش بكرا إيه هيحصل.. محدش عارف مين مع مين ومين هيسيب مين.. ومين هيرجع تاني يبقا مع مين.. فدايما أنا بحاسب على كلامي جدا لأن الدنيا حقيقي صغيرة.. هيجي وقت وهنبقا مع بعض في صورة واحدة، هيبقا شكلنا وحش أوي لو قلنا كلام في حق بعض ورجعنا تاني في صورة جمعتنا.. مش كل انفصال بيكون وحش على فكرة أحيانا بيكون بداية لفرصة جديدة بين نفس اطرفين.. ممكن دي تبقا فرصة ان البيت يتبني تاني بصورة أحسن».
https://www.youtube.com/watch?v=wIbzv7fzDeA
يذكر أن أحمد إبراهيم كان قد أعلن زواجه من الفنانة أنغام، في شهر فبراير من العام الماضي، وهو نفس الشهر الذي أطلقت فيه أنغام ألبومها الأخير «حالة خاصة جدًا»، الذي تعاونا فيه معا.
