كل من لديه منزل أو قطعة أرض يبنيها أو ساكن بها أو لديه عمارة وعليها مخالفات، يترقب الايام القادمة ستكون حاسمة للجميع لمن لديه مخالفات في البناء، لذلك فإننا سنوضح العديد من المعلومات الهامة في هذا الشأن فتابعونا من خلال التقرير التالي:
فاكرين قانون التصالح في مخالفات اللي صدر في 2019 والمشاكل الكتيرة اللي مقدرش يحلها، اهو القانون الجديد بقى جاي عشان ينهي الأزمة دي.
ودلوقتي في اجتماعات مستمرة بين أعضاء مجلس النواب وزراء الحكومة عشان يسرعوا من إجراءات إصدار القانون الجديد وعرضه على الجلسة العامة في مجلس النواب عشان ياخد الموافقة النهائية.
والمميز في القانون ده انه حدد اسعار التصالح تفصيليا على حسب المساحة والامتار اللي حصلت فيها المخالفة بشانها المخالفات، وطبعا ده مع توضيح الاوراق المطلوبة للتصالح والاسباب اللي طلبك ممكن بترفض عشانها.
بس قبل مانتكلم عن القوانين الجديد ونوضح سروطه، خلونا في الأول نجاوب على سؤال مهم: إيه مصير الناس اللي قدمت طلبات تصالح على القانون القديم؟
بص ياسيدي لو قدمت طلب قديم ومتمش البت فيه او مواعيد فحصه لسة مانتهتش، الطلب بتاعك في الحالة دي هيروح للجان البت والتظلمات اللي هتتشكل على اساس القانون الجديد.
ومتقلش مش هتدفع رسم فحص أو مقابل جدية تصالح لو كنت دفعتهم قبل كده.
أما سعر المتر المسطح واللي على أساسه بتحدد قيمة التصالح، فلو طلبك أو التظلم بتاعك اتقبل هتتعانل بالأسعار المعلنة في القانون القديم لسنة 2019 وأي تخفيضات حصلت عليها..
طيب افرض طلب التصالح بتاعك كان واخد رفض اساسا؟
في الحالة دي لو المدة المقررة التظلم على طلبك مانتهتش، من حقك برضه تقدم التظلم للجنة التظلمات خلال 30 يوم من تاريخ بدء العمل بالقانون الجديد.
وحتى لو الحكومة سبق ورفضت طلبات التصالح وتقنين الأوضاع في ظل العمل بالقانون رقم 17 لسنة 2019، لسة الباب مفتوح عشان تقدم بطلبات تصالح متوافقة مع القانون المنتظر.
من له حق التصالح؟
حسب مواد القانون، من حق المحافظة أو الهيئة المسؤولة التصالح في بعض مخالفات البناء، اللي متأثرش على سلامة المبنى بشرط تكون اتعملت قبل تنفيذ القانون ده.
والمقصود هنا مخالفات تغيير الاستخدام في المناطق اللي ملهاش مخططات تفصيلية معتمدة، أو التعديات اللي حصلت على خطوط التنظيم قبل اعتمادها.
وكمان التعديات على الشوارع التخطيطية اللي لسة متنفذتش على الطبيعة او نسبة التنفيذ فيها أقل من 50% من طول الشارع.
أما لو عندك مخالفة في المرافق، فتقدر تتصالح لو حليت المشكلة بينك وبين أصحاب حقوق الارتفاق حسب البنود اللي هتحددها الللايحة التنفيذية بعدين.
ولو المبنى بتاعك ليه طابع معماري، فلازم المخالفة تكون حصلت قبل تسجيله في سجل حصر المباني والمنشآت ذات الطراز المعماري المتميز.، وكله هيتم طبعا بموافقة جهاز التنسيق الحضاري.
بس خد بالك التصالح مرفوض لو المخالفة عبارة عن تعلية أو إضافة إلى العقار المسجل.
أما بقى لو باني أدوار زيادة أو خالفت قيود الارتفاع المقررة من الحكومة فدي كمان أمرها سهل لو وزارة الطيران المدني ووزارة الدفاع قالوا أن المخالفة مبتأثرش على شغلهم.
كمان تقدر تتصالح لو بنيت على الأراضي المملوكة للدولة بشرط متكونش أراضي آثار أو تابعة لحرم نهر النيل
كمان لو بنيت خارج الأحوزة العمرانية المعتمدة التصالح هيبقى من نصيبك لو كنت ضمن الكتل المبنية قريب من الأحوزة العمرانية للقرى وتوابعها والمدن طالما فيها مرافق ومشغولة بنشاط سكني أو غير سكني وارضها بقت غير صالحة للزراعة.
واخر مخالفة بقى مرتبطة بالمدافن الخاصة اللي اتينا في أماكن غير الجبانات العامة وبدون ترخيص، طالما اتوفرت فيها شروط معينة.
انتوا بقي لقيتم نفسكم ضمن المخالفات دي ولا لأ؟ وهل سبق وقدموا طلبت التصالح علي القانون القديم؟
