تصدر اسم اللاعب إبراهيم شيكا لاعب نادي الزمالك السابق، تريند مواقع التواصل الاجتماعي خلال الساعات الأولى من اليوم، بعد وفاته إثر صراع مع مرض سرطان المستقيم، والذي عانى من مضاعفات شديدة له قبل وفاته.
وقال صديق مقرب من اللاعب إبراهيم شيكا، ويُدعى محمد إيهاب في تصريحات صحفية: إمبارح شيكا كانت حالته كويسة جدًا، سبحان الله محدش توقع إن ده يحصله ويموت بالشكل ده، وكان المفروض النهارده هيدخل العمليات عشان يعمل عملية، وكلنا في حالة صدمة حقيقة ومش مستوعبين اللي بيحصل.
صديق مقرب من شيكا يكشف اللحظات الأخيرة قبل وفاته
وأضاف: النهاردة الصبح الساعة 6 لقيتهم بيكلموني بيقولي إلحق شيكا خلاص بيموت نزلت جريت ومكنتش مصدق حاجة ولا فاهم، على الساعة 8 تقريبًا كان توفي خلاص ربنا يرحمه يا رب، ويصبر عائلته، ونحتسبه شهيدًا عند الله، الدكاترة قالولنا إنه مات بسبب جلطة في الرئة واللي اتسببت في توقف عضلة القلب.
وتفاقمت الحالة الصحية لـ اللاعب إبراهيم شيكا، بعد إجراء مجموعة من جلسات الكيماوي، خصوصًا بعد انقطاعه عن الطعام لأكثر من شهر ليرحل عن عالمنا بعد معاناة طويلة مع مرض سرطان المستقيم، الذي خضع بسببه لعدة تدخلات جراحية، أبرزها عملية تحويل مسار، نتيجة الانسدادات المتكررة في أمعائه، إلى جانب علاجات كيماوية مكثفة.
