ناشد أحد أولياء الأمور المسئولبن بوزارة التربية والتعليم، للتحقيق في واقعة حدثت بمدرسة «نفرتاري» للغات، والتي تتضمنت إهانة وضرب طفله الذي يدعى «مالك» من قبل عدد زملائه بأمر من مدرساتهم.
وحكى والد مالك عن الواقعة قائلاً: « من اسبوع تقريبا حدث ان مالك ابني كان بيلعب مع واحده زميلته في كلاس تاني اثناء البريك وفي بنت زميلتهم افتكرتهم بيتخانقو وجريت عليه وضربته فا مالك قالها متضربيش بعدين جه واحد صحاب البنت ضرب مالك المهم حصل خناقه مع مالك وضربوه وضربهم وطبعا مش هو ده المهم لانهم اطفال و ده وارد يحصل..الكارثه في رد فعل المدرسات التربويات وطريقة علاجهم المهينه الغير مهنيه والتي ان دلت تدل على عقد نفسيه وشيء ضد حقوق الانسان اساسا».
وأضاف: «الاطفال بعد البريك طلعو واشتكو على مالك للمدرسه بتاعتهم (رولا)فا المدرسة دخلت الكلاس بتاع مالك وقالت للمدرسه بتاعته (منى) ان مالك ضرب ٦ اطفال عندها من الكلاس فاخدو مالك للكلاس التاني بصحبه المدرسه بتاعته (منى ارسلان) مع العلم ان مالك حاول يقول انه مظلوم وانهم هما اللي بدءو الضرب ولكن المدرستان رولا و منى قالو احنا هنكذب ٦ ونصدقك انت …على الرغم انه مش موضوعي خالص اذا كان فعلا ضربهم السته او لا… بس انا بقول كده على اساس انهم محاولوش حتى يحققو في الموضوع ويفترضو الصدق».
وتابع والد مالك قائلاً: «المدرسه رولا قالت للاطفال مين مالك ضربه اللي مالك ضربه يرفع ايده فا الاطفال قعدت ترفع ايدها وخلت مالك يقف ويحط ايده ورا ضهره مش جنبه علشان ميحولش يدافع عن نفسه وقام كل طفل رفع ايده وضرب مالك الضربه اللي مالك ضربهالو فا النتيجه ان بنت ضربته بالقلم باقوى حاجه عندها و ولد اداله بالبنيه في بطنه وبنت بالبنيه في رقبته و ولدين شدو شعره وضربوه في رجله وهو بيحكيلي قالي ان مكنش حاسس براسه من الوجع وعلشان اتكسف اوضايق جداا ضحك علشان ميبينش انه احرج فا المدرسه بتاعت الفصل بتاعه الغير تربويه راحت ضربته على قفاه علشان كمان ميضحكش».
واستطرد عن وجود شهود على ذلك: «وبعد كل الاهانه دي بنتين من الكلاس بتوع مالك اسمهم دارين وسلمى شافو الموقف في البريك وشافو مالك بيعيط بعد الاهانه دي لما دخل الكلاس تاني راحو قامو وقالو للمدرسه المجرمه (منى) يا ميس احنا شوفنا الموقف وفعلا مالك مظلوم وكان رد فعل المدرسه انها زعقت للبنت اللي اشتكت على مالك في الاول خالص والموضوع كده بالنسبالها انتهى ولا فكرت في الطفل اللي اتهان من ٦ اطفال وهو مظلوم بيضرب قدام كل الاطفال على وشه بالقلم من بنت وفي بطنه بالبنيه وشد شعره وكمان بالقفا من المدرسه(منى ارسلان) حاجه مهينه غير اخلاقيه لما ابني يقعد اكتر من اسبوع مكسوف يحكي ومش عاوز ينزل البريك علشان مش عاوز يشوف اصحابه اللي ضربوه واهانوه قدام كل الكلاس باشراف من المدرسه رولا وبقهر من المدرسه منى ارسلان.. وانا للتاكد بردو من صحة الموقف كلمت مامة بنت في نفس الكلاس اللي حصل فيه الموقف وسالت البنت وحكتلي بالظبط زي ما مالك حكا الموضوع …..واكيد في كاميرات في الكلاس».
وهدد والد مالك المدرسة ومعلماتها بأنه لن يسكت عن حق إبنه، وأنه سيصعد الموضوع للمسئولين، إلى جانب ندائه للـ«سوشيال ميديا» برجوع حق نجله.
شاهد أيضًا:
أخفى جثة والدته في الثلاجة لمدة 3 سنوات والسبب صادم !
تفاصيل مرعبة في مقتل «ضحية دار السلام» زوجها «رماها من البلكون» والسبب ؟!
