كشفت الفنانة ايناس عز الدين ونجمة “ارب ايدول” عن المراحل المختلفة التي مرت بها أثناء رحلتها مع خسارة الوزن بعد خضوعها لعملية نحت للجسم وذلك من خلال نشرها صورة عبر صفحتها الرسمية على موقع التواصل الاجتماعي”فيسبوك”.
وعلقت عليها:”كل مرحلة في المراحل دي كان عندي ثقة بنفسي و رضا وكنت بحب نفسي فيها و مؤمنة بإن جوهري و مضموني اهم بكتير من شكلي الخارجي ومع ذلك كنت شايفة نفسي حلوة في كل وقت وكل مرحلة اتعلمت فيها حاجات جديدة واكتشفت في نفسي حاجات كتير ما كنتش اعرفها عن نفسيقبل كنت بريئة اوي لدرجة اني كنت بتصدم كتير واتوجع اكتر من كل اللي حواليا من كتر عشمي فيهم ما كنتش لسه اصطدمت بشكل كافي بقذارة الحياة”.
وتابعت:”أثناء كانت رحلة طويلة من المرض والالم الجسدي والنفسي بسبب صدماتي الكتير في الحياة وفي الناس لما بدأت تظهر حقايقهم واعرف مين بجد عدوي من حبيبي وقت الشدة والمرض والالم والمعاناة والاستسلام وكمان المرحلة دي كانت اهم نقلة في حياتي”.
وأضافت:”بعد اتولدت انسانة جديدة خالص فيها طباع كتير من القديمة بس اكتسبت طباع جديدة منها العند والقوة المفرطة والتحدي والأمل في نفسي وفي الحياة اكتشفت اني لازم احب نفسي لانها تستاهل انها تتحب ومش هتعب ولا اتألم تاني وهتعالج صح وهبدا اهتم بصحتي بعد ما اهملتها بجد واتعرضت للموت كتير بسبب اهمالي واني دلوقتي عندي طموح وتحديات ما ينفعش استسلم قدامها ولازم اخوضها وعلى ثقة اني قدها وهنجح فيها وعلى يقين من ده”.
وأستكملت:”بس الاكيد ان المرحلة اللي في النص كانت اهم مرحلة في حياتي لأنها هي اللي صنعت واكتشفت ايناس القوية الصلبة اللي مش بتتكسر بسهولة وتقدر تكسر بلد بحالها ومنها اتولدت ايناس بتاعة النهاردة اللي كلها اصرار وعزيمة وتحدي وقوة واللي هتبقى زي القطر هتدوس على اي انسان يحاول يقف في طريق نجاحها و اصرارها او يكسرها او يقلل منها ومش هتسمح زي زمان بالمؤامرات اللي بتتعمل ضدها والحاجات اللي كانت بتحصل زمان من حواليا وانا بقف مستسلمة”.
وأختتمت قائلة:”خلاص مافيش استسلام والجاي احلى و اقوى علشاني وعلشان خاطر كل انسان حبني وشجعني وآمن بيا وكان معايا على المرة قبل الحلوة وبقولكم دلوقتي خلاص المُر راح واللي جاي كله حلو واحلى واحلى ومحضرالكم مفاجآت كتير ما تتوقعوهاش”.
إيناس عز الدين هي مطربة مصرية شاركت في الموسم الثالث من برنامج المسابقات الغنائية “Arab Idol”، وكان السبب في شهرتها.
وبعد البرنامج طرحت عدة أغاني منفردة منها “طبعا موافقة” و”أنا بخونك”.
