أعلنت الفنانة إيناس عز الدين ، أحد مواهب برنامج «آراب أيدول» في مواسمه السابقة، عن انفصالها عن زوجها وأكدت أنهما لا زالت تجمعهما علاقة صداقة ومودة بالرغم من الانفصال.
وعلقت إيناس، عبر حسابها الشخصي بموقع فيسبوك، على طلاقها قائلة: «بعلن انفصالي عن زوجي احمد قمر بكل حب و ود واحترام وتقدير ممكن نكون اختلفنا كأزواج اننا نكمل مع بعض او النصيب وقف لحد كده بس هيفضل صديق عمري كله.. بتمنالك كل خير وكل سعادة ونجاح يا احمد يا انضف انسان عرفته في حياتي».
وأضافت: «كله قسمة ونصيب.. معلومة دي مش كدبة ابريل ولا ده خبر هزار.. هو ليه الناس مش متقبلة فكرة اننا انفصلنا واحنا بنحترم بعض وبنحب بعض وشايلين لبعض الخير والتقدير واننا اختلفنا كزوجين؟».
وتابعت إيناس قائلة: «أكيد القرار ده ما اخدناهوش وليد اللحظة وقبل ما نعلنه اتناقشنا كتير وقررنا ننفصل بالمعروف واحنا شايلين وفاكرين لبعض كل حاجة حلوة.. مش لازم نذم في بعض ونغلط في بعض وكل واحد فينا يقول التاني كان مطلع عينه علشان الناس تتقبل فكرة انفصالنا».
واستطردت: «احنا اختلفنا وصعب نكمل كزوجين بس مستحيل نبطل اننا نفضل في حياة بعض كأصدقاء لاننا طول عمرنا كنا اصدقاء حتى واحنا متجوزين والعشرة مش بتهون بالساهل ومش معنى اننا اختلفنا وانفصلنا كأزواج اننا نكره بعض ونغلط في بعض وما نشوفش بعض ونعادي بعض».
واختتمت بجملة: «احنا هنفضل اهل غصب عن اي شيء وبنكن لبعض كل حب واحترام وتقدير».
ورد زوجها السابق الفنان أحمد قمر، على منشورها قائلاً: «ربنا يخليكي يا اعظم ست عرفتها في حياتي .. هنفضل اخوات و اصدقاء العمر كله.. ربنا يكتبلك النجاح و التوفيق في حياتك اللي جاية»، وعقبت إيناس على تعليقه قائلة: «اصدقاء العمر كله غصب عن اي حد».
شاهد أيضًا:
زوج ياسمين رئيس يخرج عن صمته ويُعلق على صورها الجريئة
شاهد| مي كساب تتعرض لأزمة حادة بسبب «إيذاء جنينها»
