ابحث في محفظتك القديمة إن وجدتكمية من الـ50 قرش القديمة ستصبح غني، نعم ستصبح غني، وذلك لأن الـ50 قرش القديمة تباع بـ45 دولار في المواقع الإلكترونية للبيع مثل أوليكس، ولكن كيف يمكنك عرضها وبيعها وما هو الموقف القانوني من تلك العمليه؟ هذا ما نتعرف عليه من خلال التالي:
حالة كبيرة من الجدل منتشرة على السوشيال ميديا بسبب بيع الـ50 قرش المعدن القديمة في مواقع بيع المقتنيات والعملات المختلفة أشهرها “ebay”، “أوليكس”.. في الوقت اللي بيع العملات دي بتكون بأسعار بتبدأ من 10 دولار ولغاية 45 دولار للـ50 قرش الواحدة.
الناس تداولت بوستات كتيرة على السوشيال ميديا بتتكلم عن الامر ده وأن كل واحد لازم يدور في محفظته القديمة ويشوف معاها قد إيه ويلحقق بسرعة يعرضهم للبيع لأنه بكد هيكسب كتير منهم وهو قاعد في البيت لأن الواحدة بـ45 دولار يعني بما يعادل ألف جنيه.. يعني لو لقيت معاك 20 واحدة من الـ50 قرش القديمة هتكسب 20 ألف جنيه بكل سهولة وأنت مرتاح.
حسب المنشورات الناس بتقول إنك تقدر بكل سهولة تعمل حساب على واحد من المواقع المتخصصة في البيع الشهيرة وبعد كده تصور العملات اللي معاك وتعرضها للبيع بأعلى سعر وتستن يجي ليك الزبون ويشتري بكل سهولة.
لكن هل الأمر ده قانوني ولا ممكن يكون في مسألة قدام الشرطة والنيابة؟
أحمد شوقي الخبير المصرفي وعضو الهيئة الاستشارية لمركز مصر للدراسات الاقتصادية، قال إن التجارة في العملات المتداولة يعتبر كارثة كبيرة بتسبب خسائر كبيرة للاقتصاد المصرية وفي نفس الوقت فإن بيع العملة بأكثر من قيمتها الحقيقية غير جائز شرعاً وقانونا لأن بكده وفقا للشريعة الإسلامية بيكون ربا.
وقال إن العملات القديمة اللي أصبحت لا يمكن تداولها تعتبر عملات تذكارية يجوز التجارة فيها لأنها مش بتأثر على الاقتصاد المصري لكن العملات زي الـ50 قرش المعدن القديمة واللي لسه بيتم تداولها في الأسواق ممنوع قانونا.
نفس الكلام ده أيده أيمن محفوظ المحامي بالنقض واللي قال إن بيع العملة القانونية مخالفة قانونية لأن القانون بينص على حظر وحبس العملة المعدنية عن التداول أو البيع بسعر يتجاوز قيمتها.
مش بس كده لكنه حذر الأشخاص اللي بتعرضها للبيع لأنها بتعرض الشخص للحبس والغرامة وفقا للمدة التي بتقدرها المحكمة المختصة واللي في أغلب الأحوال بتكون المحكمة الاقتصادية لأنه لا يجوز بيع أي عملات بيتم تداولها بالفعل.
لكن على الرغم من التحذيرات دي إلا أن بيع العملات على المواقع شغال والناس بتتداول العملات القديمة والجديدة.. لكن خلي بالك لو عايز تشتغل فيها لأنك ممكن تكون عقوبتك الحبس والغرامة في النهاية.
