الكويت أنهت التعاقد مع 9 ألاف وافد،والسبب غريب ليس له علاقة بتكويت الوظائف ولا بالشغل عامة ..والأغرب إن هذا حدث فى وفى وقت قياسى جدا 3 شهور.وسيمنعوا من السفر للكويت نهائى.
.ده الخبر اللى تصدر السوشيال ميديا الساعات اللى فاتت وعمل ضجة كبيرة والكل بيسأل عن السبب هل له علاقة بتكويت الوظائف وطرد العمالة المصرية ؟ إيه الأسباب بالظبط! وإيه اللى حصل بالظبط علشان يكون ده قرار النيابة الكويتية،
تفاصيل كتير هتعرفها عن قرارا الترحيل ده وإيه اللى حصل بالظبط للوافدين دول؟
طول الفترة اللى فاتت أخبار رايحة وأخبار جاية عن إن الكويت هلاص بتنفذ خططتها لطرد الوافدين وخاصة العمالة المصرية منها بهدف إن الكوايتة أولى من أى جنسية تانية.. ومن فترة وزى ما تقول كده الحكومة الكويتية بقيت واقفة للمصريين والعمالة الوافدة على الواحدة ..وبتلكك لهم على أى تصرفات وبتدور وراهم بحيث لما يمشوا يكون فى سبب ،وسبب يودى ورا الشمش كمان ..مش مجرد الإستغناء وبس لا!
حالة ال9000 شخص دول مختلفة تماما عن العمالة اللى الكويت هتستغنى عنها ..ومينفعش تقارن بينهم خالص ..دول هيترحلوا من الكويت بسبب اللى عملوه وسجلهم الغير مشرف بالمرة ..
الكويت بدأت من أول 2023 ،وفى خلال 3 شهور بالظبط تم القبض على ال9000 وافد ،ومنهم 4000 ست ايوة زى ما بقولك كده ،ووده سب مانشره موقع عربى بوست نقلا عن جريدة القبس الكويتية .. يعنى بمعدل 3000 وافد فى الشهر،بكده يكون فى سرعة رهيبة فى طرد الوافدين على عكس السنين اللى فاتت خالص .
الترحيل ده حصل لأسباب كتير مختلفة ، زى تورطهم في قضايا جنائية وجنح، وغالبيتهم أُبعد إدارياً للمصلحة العامة، ومنهم اللى كان بسبب صدور أحكام قضائية ضدهم بإبعادهم عن الكويت.ده غير إن حوالى 700 راجل وست محبوسين حاليا بالفعل ومستنين مصيرهم بالترحيل ،وخلال ال 10أيام الجايين هيتم تحيلهم بالترتيب..
وكشفت المصادر أن المبعدين من الوافدين بسبب تعاطي وترويج الممنوعات سجل ارتفاعاً ملحوظا خلال الأشهر الـ3 الماضية،وكمان الإدارة العامة لمباحث شؤون الإقامة جاءت في صدارة الإدارات الأمنية التي حولت وافدين مخالفين إلى الإبعاد، وده بسبب انتهاء الإقامة أو بسبب مخالفة قانون العمل، المفاجأة إن قطاع الأمن العام كان فى المرتبة الثانية من حيث إحالة الوافدين إلى الإبعاد.
الحقيقة والحق يتقال إن نسبة المصريين اللى متورطين فى قضايا جنائية وهيترحلوا من الكويت قليلة جدا مقارنة بالجنسيات التانية ..الهنود بيحتلوأالمرتبة الأولى ،وبعدهم أبناء الجالية الفلبينية، وفي المرتبة الثالثة الجالية السيلانية، والمصريين فى المرتبة الرابعة.
وده مش معناه إن دى حاجة هينة أو بسيطة ،لا طبعا ..تخيل شكلك قدام أهلك وناسك لما تنزل مصر نهائى ويكون السبب قضية ولا حكم قضائى ..يعنى بدل ما تنزل وإنت فخور باللى عملته فى غربيتك هتنزل وشك فى الأرض ومش عارف تشوف حد ..أصل هتقوله إيه؟نزلت من الكويت علشان مثلا بتاجر أو بتعاطى ممنوعات؟
مؤخرا بقى فى تعليمات مشددةصدرت من النائب الأول لرئيس مجلس الوزراء وزير الداخلية والدفاع بالانابة الشيخ طلال الخالد، بعدم التهاون مع أي وافد مش هيلتزم بقوانين البلاد ويرتكب مخالفات أو يكسر القانون، وإحالته فورا إلى الجهات المعنية.
فى 2022 أنهت الكويت بردوا تعاقدات مع حوالى 30 ألف وافد ،وكان منهم 3000 مصرى .. فخلى بالك علشان السلطات الكويتية واقفة بالمرصاد للوافدين ..ولو نصيبك كان الترحيل زى كتير ..إرجع مصر وإنت رافع راسك وفخور باللى عملته فى الغربة!خليك جنب الحيط وإلتزم بقوانين البلد اللى إنت متغرب فيها ..
تخيل تتغرب وتبعد عن أهلك وتحرم ولادك من وجودك،بحجة السفر والفلوس اللى أصلا هترجع إيد ورا وإيد قدام وبقى فى سجلك وصمة ممكن تمنعك من الشغل برة مصر وجوة مصر وده كله بسبب الإستسهال لتكوين ثروة مش أكتر.وبقى مصير الأسر المصرية ده غامض فليه تحط نفسك فى الموقف ده؟أنتوا رأيكوا إيه؟ شاركونا فى التعليقات
