يا جبل ما يهزك ريح.. بهذه الجملة احتفلت الإعلامية الكويتية حليمة بولند بحصولها على العضوية الشرفية لنادي الزمالك المصري، المستشار مرتضى منصور رغم إنه طول اليوم يقول تصريحات ويسب في الناس، إلا أنه وجد لديه وقت لاستقبالها بنفسها ويأخذها في جولة بالنادي، فماذا حدث هذا اليوم، سنكشف التفاصيل في التالي:
حليمة بولند تحصل على عضوية نادي الزمالك
المذيعة الكويتية المثيرة للجدل حليمة بولند، فاجئت الناس كلها ونشرت صور لحصولها على العضوية الشرفية لنادي الزمالك، ومش بس كده، بس نشرت في كل السوشيال ميديا فيديو ليها مع المستشار، وهو بيعاكسها، وبيقولها انتي مش جبل واحد، ده انتي جباااال بحالها
حليمة بولند علاقتها بنادي الزمالك قديمة شوية.. يعني في الزيارة دي لفت على النادي كله واتفرجت.. وخدت كارنيه العضوية الشرفية.. ورئيس النادي بنفسه سلمها التكريم.. وقالها إنها مذيعة عالمية.. وحذرها إن الأهلاوية هيزعلوا منها جامد
بس هي أصلا من زمان دايما بتدعم النادي الملكي.. وبتتكلم عنه كويس في برامجها وعلى سناب شات.. زملكاوية كويتية أصيلة.. ده لدرجة إنها مقتنعة إن النادي معموله عمل وسحر زي ما المستشار بيقول.. دماغ زملكاوي بقى هنعمل ايه “بطريقة تعجب”.
حليمة بولند ما بين الإعلام والمرقعة
حليمة بولند دي في الأصل هي لا مذيعة ولا أي حاجة.. بس مع شوية الدلع والمرقعة على السوشيال ميديا.. بقى بيتعملها برامج رقص واستعراض.. ده في ناس مسمياها سما المصري بس بتاعت الكويت.
والأفورة زادت منها بعد انفصالها عن أبو بناتها.. ودايما بتتعرض للانتقادات بسبب دلعها المصطنع.. ولبسها الأوفر.. خصوصا في رمضان.. بتعمل برامج لا تتناسب مع الشهر الكريم.. ولا بتحترم قدسية الأيام المفترجة
وعندها عيب بقى خطير.. دايما بتعمل مشاكل سياسية مع دول تانية.. مضطده الشعب السعودي والأردني.. وبتشتم زمايلها الإعلاميين.. أي حد مش عاجبها.. تغلط فيه ولا بيهمها.. مش بتفكركم بحد كده؟.. عيب مش عشان زملكاوية يعني تبقى بتلقده.
أزمات حليمة بولند وصلت للقضاء
من كتر مشاكلها.. وصلت إنها اتحجز على أموالها في الكويت بتهمة غسيل أموال.. واتمنعت من السفر فترة طويلة.. عشان متهربش يعني.. وبعد التحقيق معاها بسبب تضخم أرصدتها البنكية.. أخلت النيابة سبيلها بكفالة عالية جدا.. واتوجهت لها تهمة شبهات غسل الأموال وإعلانات غير مشروعة
وبعد أكتر من سنة خدت براءة وتم رفع التحفظ على أموالها وفي المقابل جالها هدايا غالية جدا من كل اللي بيحبوها ومعجبيها يعملوا قضية جديدة لوحدهم.. ورجعت حليمة لعادتها القديمة وكملت في البرامج واستفزاز الجمهور العربي والكويتي.
قدمت قبل كده في رمضان برنامج فوازير حليمة.. وده عملها مشاكل كتير جدا.. واتوقف عرضها بعد فترة، بسبب الانتقادات السلبية اللي حصلت عليه.. اللي هي بالمناسبة شيفاها نجاح.. وكانت أعلى مشاهدة في الكويت، وإن نجاحها ده بيشعل الغيرة والحقد داخل نفوس أعدائها.
