ضجة واسعة شهدتها مواقع التواصل الاجتماعي، الساعات الماضية،بعدما نشرت بلوجر شهيرة تدعى ندى الشافعي، عبر صفحتها الخاصة على فيس بوك، صور لعبوة كشري سيد حنفي، وبها فأر صغير.
وقالت ندى: “ايه ده، عشان بجد تبطلوا تكلوا من بره تاني، أكل الشارع ده قرف، فار فالكشري انتوا متخيلين، لا حول ولا قوه الا بالله، لا تعليق، كشري سيد حنفي.”
القصة الكاملة للعثور على «فأر» داخل علبة كشري لمحل شهير
من جانبه، قال محمد عبد المنعم، مسؤول العلاقات العامة بشركة سيد حنفي، إن واقعة الفأر حقيقية وحدثت منذ 5 أشهر.
وأشار عبد المنعم، في تصريحات صحفية، إلى: “الموضوع المتداول ده، من شهر 6 اللي فات، واحنا بالفعل أخدنا اجراء قانوني ضد الشخص اللي عمل كده.”
وتابع: “الموضوع مع مباحث الإنترنت، ومتسجل للشخص ده مكالمات معانا وهو بيبتزنا، وأنه عاوز تعويض وحاجات زي كده.”
واختتم: “معمول محضر رسمي، لمحاولة التشهير بينا، والناس اللي بتشير في الوقت الحالي، والبلوجر مش صاحبة الموضوع للأسف، واحنا عمالين نتلقى رسايل واتصالات كتير جدًا بتبتزنا، وكلهم بيقولوا إنهم صحاب المشكلة بحثا عن التعويض.”
