نجيب ساويرس منذ فترة وهو يتصدر التريند، لكن ليس لأنه من أغنى رجال الأعمال،وليس بسبب إنجازاته، لكنه يتصدر التريند بتصريحاته، وخلافات من العيار الثقيل، مع اكبر وأشهر الإعلامين على الساحة، فحدثت مشادة عبر السوزشيال ميديا منذ ساعات بينه وبين عمرو أديب وأحمد موسى الذي رد عليه رد جرئ ..سنتعرف على المزيد من خلال الترير التالي:
فجأة بدون أى مقدمات لقينا صورة على السوشيال ميديا ومكتسحة كل المواقع بمعنى الكلمة،وكمية تفاعل رهيبة من الجمهور عليها ،وهى إن ساويرس أعاد نشرتويته من حد إسمه أسامة سعد شحتة، والصورة دى كان فيها عمرو أديب ومعاه 5 أعلاميين تانيين وهم أحمد موسى، مصطفى بكري، محمد الباز، معتز بالله عبد الفتاح، تامر أمين.
الغريب إن الصورة دى متعدل فيها ومحطوط وش كل أعلامى على جسم حد تانى وهو ماسك طبلة وشكلهم أشبه بالفرفة كده.
وكتب ساويرس على الصورة فيه واحد ناقص،وزى ما يكون ده إتهام للإعلاميين دول بالتطبيل لبعض القضايا اللى بيعرضوها أو للمحتوى اللى بيقدموه.
لكن طبعا لو الكل شاف الصورة وسكت،عمرو أديب مش ممكن أبدا الموضوع ده والصورة دى تعدى كده ويتجاهلها لا ميبقاش عمرو أديب اللى الجمهور عارفه.
عمرو زى ما بيقولوا كده ضيع الجبهة خالص برده على ساويرس وقاله إحنا مكسبناش من التطبيل قد ما إنت كسبت من تطبيلك يانجيب. جايز تطبيلنا كان له أصوات إنما إنت تطبيلك كان له أبراج ودولارات وياخساره وعجبي..
هوب هوب هوب مش بس كده كمان أحمد موسي رد على ساويرس وقال عيب عليك يا نجيب ،إحنا بندافع عن وطن وشعب ، لن ننسي دورك و قناتك في ٢٠١١ التي أستخدمتها لضرب القوات المسلحة والشرطة والقضاء ، رغم أنك أكثر من كون الثروات في عهد الرئيس الراحل مبارك ، هذا هو نجيب مصلحته أولا …. عيب عليك يا نجيب .. وما خفي أعظم.
تعليقات الجمهور كانت عبارة عن ياريت يا أستاذ عمرو الرد ميكونش كده لا عايزين حلقة عن الموضوع دة أرجوك.
واللى قال إستاذ عمرو حضرتك كده أعترفت،قوله كلنا فى الهوا سوا.
والصراحة دي مش اول مرة ساويرس واديب يقعوا فى خلاف مع بعض على السوشيال ميديا زى وقت واقعة حادثة كنيسة أبي سيفين في إمبابة، ووقتها عمرو هاجم ساويرس، لانه كان بيحاول ينشر الفتنة فى البلد.
وكتب نجيب ساعتها على تويتر لا انه مش هيكتب اي تعزية غير لما يعرف باقي تفاصل الحادث، اللي كلنا عارفين مين اللي عملها، وربنا هو المنتقم وهو اللي هيجيب حق الضحايا.
فعمرو رد فى برنامجه وقال انه مقدر مشاعر كل المصريين، وخاصة مشاعر إخواننا المسيحيين، ولكن المهندس نجيب ساويرس كاتب تويتة فيها جمل، مش فاهمها، ولكن الواضح أن القصد مش سهل، ويظهر كدا انه عارف حاجة احنا مش عارفينها.
وبعيدا عن سبب تصدر ساويرس للتريند الساعات اللى فاتت،دى مبقتش حاجة جديدة بالنسبة له خاصة إنه الأيام اللى فاتت إتصدر التريند بردوا بسبب تصريح له لما أعلن عن وصيته اللي عايز أهله ينفذوها بعد رحيله.
الملياردير المصري وصى إنه يتكتب على قبره جملة واحدة بس وهي “هنا يرقد رجل لم يستطع إنسان على وجه الأرض أن يلوي ذراعه ،وقال وإنه ممكن يخسر كل حاجه في حياته، ويخسر كل اللي ربحه، ولكن عمره ما يخسر نفسه، وانه بيستمد قوته من إيمانه
حد ينسى خلافه مع هانى شاكر بسبب مطربى المهرجات؟لما تم منع 19 مطرب مهرجانات نت الغناء،وساويرس إستفزه بتعليقه إنت مش ربنا علشان تمنع حاجة وإن ده مسئ لحرية الإبداع،أنا مش بحب أسمعك ولا بجب غناك.
كمان ساويرس سخرالفترة الأخيرة من قرار الحكومة فى موضوع التسعيرة الجبرية وعلق على تصريحات الدكتور علي المصيلحي، وزير التموين والتجارة الداخلية، بشأن إمكانية وضع تسعيرة جبرية على السلع لمدة محددة وقال إن التسعيرة الجبرية تشجع على إخفاء السلع وزيادة التهريب والسوق السوداء.
يمكن بسبب إنتقاده ده ،والعكس الإعلاميين دول بيعملوه فى برامجهم من تشجيع لأى قرارات للحكومة ،علشان كده أعاد نشر الصورة دى وعلق التعليق ده؟ ولا فى أسباب تانية خفية محدش يعرفها لسة؟ وتفتكروا باقى الإعلامين هيردوا ولا هيتجاهلوا ولا هيكون الرد أقوى على شاشات التليفزيون؟
