بدون دفع أي أموال سنكشف من خلال هذا التقرير كل ما تريد معرفته عن قانون إستيراد العربيات من الخارج ،وأهم التعديلات عليه وكيفية استيراد سيارة فتابعونا.
على الخطوة دى ومن وقت ما تم الإعلان عن مبادرة إعفاء سيارات المصرييين بالخارج من الجمارك،والضرايب ولا أى رسوم لحد وصولها لمصر وكل المغتربين فى كل الدول إتشجعوا إنهم يدخلوا المبادرة دى ،ولكن إتصدموا من بعض الشروط اللى خلتهم ممكن يتراجعوا عنها
لكن هتجيب عربيتك بأسهل الطرق ومش هتدفع ولا جنيه لحد ما عربيتك توصل مصر،إنت متخيل؟ يعنى مفيش حاجة مش مفهومة خالص بعد الفيديو اللى نشرته وزارة الهجرة بتوضح فيه كل التفاصيل ولا فى تركات هتتفاجئ بها بعد كده ..
القانون الجديد لإستيراد السيارات للمصريين المقيمين فى الخارج ،بدأ العمل به فى 15 نوفمبر 2022،ولمدة 4 شهور وهو قانون يسرى على كل مصرى معاه إقامة سارية فى أى دولة.
كلنا عارفين إن فى حوالى 10 شروط علشان تقدر تستورد عربية وفى نفس الوقت تستفيد من القانون ده أعلى إستفادة لكن فى 3 شروط أساسية ، اللى متوافر عنده إتنين بس والشرط التالت مش موجود بكده مش هيقدر يستفيد من قانون اعفاء السيارات..
أهمها طبعا إحنا عارفين إن ده شرط أساسى ويكون عدى على فتح الحساب من أقل من3 شهور قبل تاريخ التحويل ، وتقدر لو سنك من 16 سنة تستفيد من القانون ده .
وعلشان تبقى مطمن إن الموضوع مش كلام وخلاص فوزارة الهجرة أعلنت عن اتاحة تطبيق إلكتروني لاستيراد سيارات المصريين بالخارج، إسمه سيارات المصريين بالخارج تقدر تنزله على موبايلك وتسجل البيانات المطلوبة،وتسجل كشف حسابك البنكى بالخارج عن اخر 6 شهور أو كامل الفترة لو كان أقل من 6 شهور قبل تاريخ التحويل .
متقلقش من الخطوة دى خالص لإن البنك المركزى ملتزم بقوانين الحكاية السرية يعنى هو الوحيد اللى من حقه الكشف على حسابك البنكى , المهم إنك تتأكد من سلامة كل بياناتك،بعدها إضغط على نموذج إقرار وتعهد إن كل بياناتك صحيحة وإنك هتلتزم بتسليم المستندات للجمرك وقت الإفراج عن عربيتك .
طيب لو الحساب البنكى مش بإسمك؟ ولا يهمك خالص ينفع طبعا بس تكون صلة القرابة من الدرجة الاولى بمستند رسمى وفى الحالة دى هتضغط على حساب بنكى غير مسجل بإسمى وكمل بياناتك عادى،وإختار العربية اللى نفسك فيها ودخل بياناتها على التطبيق ،ولومستعملة خلى بالك من سنة الصنع متكونش قبل 2019.
طيب لو عربيتك 2017 مثلا؟ بص يا سيدى لو إنت المالك الأول ومعاك شهادة من المرور فى دولة الإقامة فيها بيانات عربيتك وتاريخ الشراء مش مشكلة سنة الصنع ولا يهمك المهم بقى إن أول ما تدخل بيانات عربيتك،التطبيق هيحسبلك المبلغ وهو 100% من قيمة إجمالى الضرايب والرسوم.
هجاوبك على سؤال أكيد،اللى هو طيب لو إ ختارت عربية ومش موجودة فى التطبيق أعمل إيه؟ كل اللى عليك هتدخل بياناتها وهيتم دراستها ،وهيوصلك الموافقة خلال 3 أيام عمل.
خلى بالك إن فى أنواع عربيات مينفعش تنزل مصر زى العربيات اللى مواصفاتها مش مسموح لها الترخيص إنها تكون فى شوارع مصر زى مثلا العربيات اللى “عجلة القيادة” بتاعها على اليمين دى ممنوعة من الإستيراد، كمان العربيات اللى فيها تجهيزات محظورة ولا مينفعش تتفصل على السيارة من غير ما ده يسبب تلف للعربية ،كل ده طبقًا للقرارات واللوائح الصادرة عن وزارة الداخلية والجهاز القومي لتنظيم الاتصالات
طبعا التعريفة الجمركية واحدة فى كل الدول ،إلا لو بلد المنشأ للعربية وبلد الإقامة بتاعتك ضمن الدول الخاضعة للإتفاقيات المشتركة مع مصر،ومعاك شهادة بلد المنشأ للعربية كمان لو عايز تختار عربيتك من المناطق الحرة فى مصر هيكون شروطها نفس شروط القانون،
وبعد ما تخلص كل أدخال البيانات دى هيجيلك أجمالى المبلغ المطلوب سداده لوزاة المالية ورقم الطلب ورقم الحساب اللى هتحول عليه.
هتطبع البيانات دى وتحول المبلغ من حسابك فى الخارج بالطريقة المناسبة ليك بالدولار ،وخلى بالك إنت بنتقل الأرقام اللى موجودة بالطلب تكون هى هى فى التحويل وبعد 7 أيام عمل بيوصلك على التطبيق .
