في ظل الظروف الاقتصادية الصعبة التي يعاني منها المواطنين، فقد قررت الدولة أن تزيد مرحلة جديدة من برنامج تكافل وكرامة ، بقيمة 500 مليون دولار، سوف يستفيد منها العديد من الأسر، وإن كنت تريد أن تكون احد المستفيدين من هذا التمويل فتابعنا من خلال التقرير التالي:
في اجتماع البنك الدولي وافق مجلس المديرين التننفيذيين ان يدي لمصر تمويل إنمائي جديد بقيمة 500 مليون دولار، لكن بهدف ان الفلوس دي تستفيد بيها في توسيع شبكات الحماية والأمان من برنامج تكافل وكرامة
خصوصا انهم شايفين ان الدولة بتاخد اجراءات كتير عشان تدعم الفئات اللي دخلهم قليل
عشان تساعدهم يواجهوا الازمة الاقتصادية، ويخففوا عليهم الصدمات وعبء زيادة الاسعار، خصوصا انهم من المستحقين للدعم النقدي، ويستاهلوا يبقى ليهم خدمات مالية اضافية غير اي حد
وحسب كلام وزيرة التعاون الدولي، ان التعاون الجديد مع مجموعة البنك الدولي في مشروع تكافل وكرامة، هيدعم التعاون اللي هو اصلا قايم بينهم، وهيزود الاستثمار في الرأس المال البشري
اللي بيعتبر الاولوية بالنسبة لمصر عشان تحفز النمو الاجتماعي، وتدعم الفئات الاقل في الدخل الشهري
وكمان البنك وافق على التمويل الجديد، بعد النجاح اللي اتحقق في المرحلتين اللي قبل كدا من سنة 2015، ووقتها اتمولوا بـ 900 مليون دولار
وقدرت الدولة من التمويل ده انها تضم اكتر من 3.7 مليون أسرة للبرنامج، بمعنى حوالي 12.8 مليون فرد، وده لغاية اخر شهر يونيو اللي فات.
وكان في اكتر من 70% من الستات استفادوا من المرحلتين دول، خصوصا من الصعيد
لكن من هدف التمويل الجديد، هو كمان هيساعد المؤسسات في انها توفر الدعم الفني، ومراقبة ومراجعة الفواتير والمدفوعات وتحسين خدمة كاش بلاس، بمعنى انها هتزود استخدام التكنولوجيا الرقمية
ومنها كمان هترفع مستوى الوعي عند المواطنين
وكمان برنامج تكافل وكرامة كان له الفضل انه يساعد اسر كتير في وسط الازمات خصوصا الازمة الروسية وازمة كوفيد 19
ورفع كمان من مستوى معيشة الاسر المحتاجة
عشان كدا لما نجح، دول كتير بقت عايزة تطبقه عندها، وبدأوا يستفسروا من البنك الدولي عشان يساعدوا الاسر المحتاجة في دولتهم
وفي مصر الدولة بقت عندها استعداد تكرره تاني
وكمان وزارة التعاون الدولي، أصرت انها تزود التعاون مع شركاء التنية من بعد الازمة الروسية الاوكرانية، عشان تقدر انها تدعم اولويات الدولة في كذا قطاع
وفعلا التعاون ده نجح، ونتج عنها برامج تمويلية جديدة، زي برامج التمويل من مجموعة البنك الدولي وبنك التنمية الإفريقي، اللي كان هدفها تحقيق الامن الغذائي، وكانوا بقيمة 500 مليون دولار و270 مليون دولار
ومتنساش ان تقدر تستفيد من معاش تكافل وكرامة لو سنك 65 سنة او اكتر، او بتعاني من عجز كلي او بيمنعك من العمل
او تكون من الايتام سواء من الاب أو الام، واللي بيهتموا بيك قرايبك من الدرجة التانية او ابعد
.
ولو انت اصلا معاك كارت ميزة اللي تبع تكافل وكرامة، متنساش تصرف المعاش من يوم 15 من كل شهر، من اي مكنة من البريد المصري او تبع أي بنك في مصر.
