مبروك لأول ناس ستقبض الزيادة الجديدة التي أعلنتها الحكومة في المعاشات والمرتبات وهم أصحاب تكافل وكرامة.فياترى متى سيتسلموها؟ وما قيمة الزيادة، وكم عدد المستفيدين منها؟ تابعونا سنكشف كافة التفاصيل من خلال التقرير التالي:
قرارات مهمة أعلنها الرذيس السيسي خلال الساعات اللي فاتت بخصوص مرتبات ومعاشات العاملين في الجهاز الاداري للدولة، منها زيادة 1000 جنيه في مرتب كل موظف لسة في الخدمة، وزيادة 15% لأصحاب المعاشات، واخيرا زيادة 25% لأصحاب معاش تكافل وكرامة تحديدا.
وهنا وازرة التضامن الاجتماعي أعلنت استعدادها لتنفيذ القرار والصرف بالزيادة الجديدة هيبدأ من 15 أبريل الجاي ، يعني قبل الموظفين.
وعلى فكرة قيمة المعاش بتختلف حسب حالة اللي هيصرفه، يعني في معاش تكافل وكرامة بقيمة 60 جنيها شهريا للطفل الأقل من 6 سنوات، و80 جنيه شهريا للطفل في المرحلة الابتدائية.
كمان بتصرف الحكومة معاش تكافل وكرامة بقيمة 100 جنيه شهريا للطفل في المرحلة الإعدادية، و140 جنيها للطالب في المرحلة الثانوية، و200 جنيه شهريا للطالب الجامعي.
ده غير 500 جنيه شهريا للأسرة المستفيدة من المعاش، و450 جنيه للمسنين والأشخاص ذوي الهمم من مستفيدي المعاش، واخيرا 350 جنيه للأيتام.
وعدد المستفيدين من برنامج تكافل وكرامة حوالي 5.1 مليون أسرة بإجمالي 22 مليون مواطن مستفيد، ب ميزانية 20 مليار جنيه سنويا قبل الزيادة الجديدة.
ولو حسبتها هتلاقي اللي بياخد 350 جنيه هيقبض 440 جنيه، واللي بياخد 400 جنيه هيقبض 550 جنيه بعد الزيادة، وده هيكلف الدولة 5 مليار جنيه.
وعشان تاخد معاش تكافل وكرامة هتروح أقرب وحدة اجتماعية ومعاك المستندات دي:
– صور بطاقة الرقم القومي سارية، وعلى عنوان السكن الحالي،و صور قسيمة الزواج أو الطلاق، وصور شهادة الميلاد لجميع أفراد الأسرة مميكنة «شهادة كمبيوتر»، للأفراد أقل من 18 سنة.
كمان مطلوب صورة من بطاقة التموين المميكنة مسجل عليها اسم مكتب التموين، وقيد مدرسي لجميع الأطفال من 6 إلى 18 سنة، وقيد طالب للمقيدين جامعيا.
ومعاهم صورة شهادة وفاة الزوج للأرامل، أو صورة شهادة الهجر.وفي حالة ذوي الهمم، مطلوب كود كشف الإعاقة من اللجان الطبية في حالة المرض المزمن والإعاقة.
وفي آخر تصريحات ليها، نيفين القباج وزيرة التضامن، قالت إن تكافل وكرامة مش معاش ده مساعدة بتعدي ألف جنيه، داخل فيها دعم العيش والتموين والتعليم المجاني.
كمان كشفت عن مفاجأة كبيرة بخصوص الناس اللي بتقدم على برنامج تكافل وكرامة، لما اكتشفوا ان في ناس معاهم عربيات كيا ومقدمين أوراقهم عشان ياخدوا المساعدة اللي بتصرفها الحكومة للفئات الأكثر احتياجا.
ولما نواب البرلمان طلبوا منها زيادة أعداد المستفيدين من برنامج تكافل وكرامة، قالت ليهم ” لو عاوزين تزودوا اعدادهم انتوا اللي بتوافقوا على الموازنة، يعني القرار في ايديهم.
انتوا بقى تعرفوا حد بياخد معاش تكافل وكرامة؟ َوهل حاولتوا تقدموا عليه قبل كده؟
