لو انت من أصحاب العقارات وتريد أن تبني دور جديد، يجب أن تعرف أنه يوجد إجراءات رسمية أعلنتها الحكومة وفقًا لشروط جديدة حددها مشروع قانون البناء الموحد. إن لم تلتزم بتلك الشروط سوف تعرض نفسك للحبس والغرامة، فما هي هذه الشروط وكيف تبني وانت متطمئن؟، سنتعرف من خلال التقرير التالي:
كل الناس مستنية مجلس النواب ينتهي من مشروع قانون التصالح في مخالفات البناء، خاصة وإنه يهم كتير أوي من المصريين واللي حابين يتجنبوا المشاكل اللي كانت في القانون السابق، ومنها مسألة سعر متر التصالح، وترخيص بناء أدوار عليا.
وفي خبر هيفرح ناس كتير ، لجنة الإسكان في مجلس النواب وافقت على اشتراطات جديدة في المادة 43 والمختصة بتعلية الأدوار وبناء أدوار جديدة لملاك العقارات.
والمادة دي تضمنت 4 شروط لازم تعرفهم كويس قبل ما تفكر تبني دور جديد في بيتك، منها إنك لازم تتأكد إذا كان بيتك يستحمل بناء دور جديد عليه ولا لا كمان الاشتراطات دي بتلزمك إنك لازم تعرف قواعد الارتفاع والاشتراطات التخطيطية والبنائية لبيتك وتلتزم بيها كلها.
واطمن القانون الجديد بيحمل المكتب الهندسي التابع ليك مسؤلية سلامة العقار وأعمال التعلية، وإذا كانت متطابقة للاشتراطات التخطيطية والبنائية للموقع ولا لا .
ما هي شروط بناء الأدوار؟
هقولك اشتراطات البناء الجديدة اللي وضعها القانون بتقول انه لازم متقلش عدد الأدوار المسموح بها في مصر عن دورين مع الدور الأرضي ومتزدش عن أربع أدوار مع الدور الأرضي وده في حالة لما تكون مساحة الأرض 16 متر، ومن الشروط الملزمة كمان إنه يكون ارتفاع سقف البدروم 1.2 متر من حجم الصفر المعماري في عدد الأدوار المسموح بها في قانون البناء الموحد.
أما عدد الأدوار المسموح بها في قرى الريف في حالة لو كان عرض الشارع أقل من 8 متر هو دور أرضي ودورين فقط، أما لو كان عرض الشارع يصل لـ 8 متر وحتى 12 مترًا ازم يكون ارتفاع المباني دور أرضي وثلاثة أدوار فقط.
وفي حالى لو كان عرض الشارع أكبر من 12 متر لازم يكون ارتفاع المباني هو دور أرضي وأربعة أدوار، وعرض الشارع في قانون البناء الموحد الجديد يإما يكون أقل من 8 متر أو أكبر من 12 متر.
ولازم تعرف إنه بتتحدد الارتفاعات في قانون البناء الموحد على حسب عرض الشارع في عدد الأدوار المسموح بيها.
وخلي بالك لو حابب تبني دور فلازم تعرف إن تحديد ارتفاع المباني بيحتاج إنك تاخد تراخيص وإذن من جهات كتيرة منها وزارة التنمية المحلية والإسكان والمرافق والمجتمعات العمرانية والتعليم العالي والبحث العلمي والتخطيط والتنمية الإقتصادية، و لما بتقدر تحصل على ترخيص البناء بيكون ساري معاك لمده 3 سنين مش سنة واحدة، ده غير كمان إن صلاحية شهادة الموقع للبناء بتكون لمدة أسبوعين.
قولنا رأيك في قانون البناء الموحد الجديد؟
