كلنا تابعنا الساعات الماضية من لحظة خسارة الزمالك فى مباراة القمة للدورى المصرى ،وكل يوم تطورات جديدة تحدث والزمالك لا يلاحق على الازمات ،وشكاوى هنا،تغييرات هناك، والوسط الكروى على كف عقريت .
ومحدش فى إدراة الزمالك عارف يسيطر على الأمور .. لحد ما قالك اللى غلط هيتعاقب من كهربا لشيكابالا حتى مرتضى منصور مطلوب أمام لجنة الإنضباط …لا إستنى هو فى حد يقدر على المستشار؟بيخافوا منه ليه؟مفاجأة هتعرفها لأول مرة فى الفيديو ده ، ليه لجنة الإنضباط إستقالت بعد هجوم مرتضى منصور عليها ؟
مرتضى منصور الأيام اللى فاتت اتقدم ضده 3 شكاوى لاتحاد الكرة ورابطة الأندية ولجنة الانضباط من الأهلى ،وأعلن الأهلى في بيانه،إن ألفاظ منصور يعاقب عليها القانون خاصة بعد تجاوزه في حق كهربا ووالديه والتحقير منه والتريقه عليه،و تطاول على النادي الأهلي ومجلس إدارته.
المفروض منصور بقى هيمثل أمامها علشان يتم الإستماع له،بسبب الشكوى المقدمة من الأهلي ضده، بعد تصريحاته المسيئة لكهربا لا التقيلة بقى إن لجنة الإنضباط إستقالت..
بش ده محصلش من الباب للطاق كده لا ده بعد الهجوم الكبير اللى حصل من مرتضى منصور للجنة الإنضباط ..
مرتضى منصور هاجم لجنة الإنضباط وقال إزاى يعنى يحققوا معاه إنتوا مش عارفين بتكلموا مين ؟مرتضى منصور قال أنا بنبه محمد عبده صالح، رئيس لجنة الانضباط، بلاش مرتضى منصور، مرتضى كان رئيس محكمة وأنت لسه متخرجتش من الكلية، أنت فاكر إني هخاف لما تقول أنا عاوز مرتضى منصور، أحقق معاه في شكوى كهربا والنادي الأهلي، بلاش أنا.
بص يا سيدى خلينا نتكلم قانونى ،أنا هكلمك قانونًا، أنت ليك الحق تحقق معايا؟ هو مش أنا من ضمن المنظومة من اللجنة بتاعك، نفترض أنا جمال علام غلط، أنت هتقدر تحقق معاه؟، نفترض إن أحمد دياب غط أنت تقدر تحقق معاه؟، دول مش خاضعين للجنة الانضباط اللى إنت رئيسها؟ لأنك بتحقق بس مع منظومة معينة خاصة بفريق الكرة مدرب، مدرب مساعد، لاعب، إدارى.
منصور كمل كلامه وقال المحكمة الإدارية العليا أكدت الجمعية العمومية هى الوحيدة اللى لها الحق تحاسبنى أو تسحب الثقة مني إن وجب ده،أنت ملكش حق تحقق معايا فى مستشارون قانونيون في اتحاد الكرة محمد الماشطة وحسين حلمي وقالولك أنت كده بتعمل مشكلة علشان عارفين إن ملكش حق تحقق معايا.
منصور قال أنا هرفع عليك قضية هطلب تعويض 20 مليون جنيه، علشان بعتلي جواب قولتلي تعالى أحقق معاك.
من بعد هجوم منصور ده ،أعلن رئيس لجنة الإنضباط إن هيتم إصدار بيان رسمى خلال ساعات علشان يحدد موقف اللجنة.وفعلا موقفهم كان الإستقاله وشايفين إن المناخ لا يصلح للعمل وإن بعض القائمين قاموا عليها بالتردى فى القيم والأخلاق ،وبكده إعتذرت اللجنة عن عملها التطوعى إعتبارا من النهاردة ،وإن اللجنة بتحتفظ بكل الحقوق القانونية تجاة التجاوزات اللى صدرت ضدها..
ياترى سبب الإعتذار هجوم مرتضى عليهم ؟ ولا إن فعلا لا يحق لهم التحقيق معاه زى ما منصور قال؟ طيب إزاى كمان وعامر العمايرة خبير اللوائح قال فى مداخلة هاتفية فى برنامج “+90” على قناة النهار ، أن لجنة الانضباط بالاتحاد المصري لكرة القدم، المتواجدة في الوقت الحالي غير قانونية..
وإن من المفترض على مجلس الاتحاد المصري، بعد نجاحه في الانتخابات، إن يتم إجراء جمعية عمومية غير عادية لاختيار لجنة الانضباط، ولكن ده محصلش
وده طبعا كان رده على الشكاوى المقدمة ضد كهربا وشيكابالا لما قال اللجنة قانونيًا متقدرش تصدر أي قرار ضد الثنائي، وممكن يتم إصدار أي عقوبات ولكن مش هتكون على أسس، وإن كهربا مش هيتعاقب ولو ثبت إن شيكابالا إتسبب فى إثارة الجماهير هيتم إيقافه 4 مباريات..
بالنسبة لكهربا حضر لمقر إتحاد الكرة الساعات اللى فاتت وفعلا تم التحقيق معاه من قبل لجنة الإنضباط،كده هيتبقى شيكابالا ،طيب موقف كهربا وشيكابالا بعد إستقالة اللجنة إيه؟ ده اللى هنعرفه الساعات الجاية تابعونا..
