نشب حريق هائل، في الساعات الأولى من صباح الأربعاء، بأحد القطارات داخل محطة مصر إثر اصطدام أحد جرارات القطارات بالصدادة الحديدية الموجودة على رصيف 6 بعد خروجه عن القضبان.
ونستعرض معكم أبرز تصريحات علاء فتحي سائق الجرار المتسبب في حادث قطار محطة مصر، كما جاء في لقاءه مع الإعلامي وائل الإبراشي:
– الجرار حالته بايظة ولو كانت حالته كويسة مكنش حصل كل ده.
– كان المفروض أوقف الجرار لكن أنا اهتميت اتخانق مع زميلي اللي خبط في لاني كنت مخضوض من الخبطة.
– الغلط أني لما نطت من الجرار عشان اتخانق نسيت أعمل احتياطاتي عشان يوقف
– يد السرعات سايبة وفيها مشاكل وممكن احتكاك الجرار خلى اليد اتحركت لانها بتتحرك بسهولة فالجرار جري بسرعة زايدة.
– لما الجرار انطلق بسرعة كبيرة اتصلت بالبرج رد علي مرة والمرة التانية مردش عليا.
– البرج كان ممكن يعمل حاجة لكن لما كلمته مرة رد علي الموظف قالي ماشي ماشي ، والمرة التانية مردش علي.
– الموضوع ده بيحصل كتير لأن الجرار ده وغيره مينفعوش يطلعوا.
– المفروض يبقى فيه اتنين على الجرار مينفعش يطلع السواق لوحده لكن كله بيأكل عيش.
– انا بعد الحادثة روحت عادي ونمت كنت مجهد وكنت هروح الشغل بكرة عادي محدش قالي أن فيه حادثة اتقالي تصادم بس.
– مفيش جرار ينفع يخرج كله محتاج صيانة أنا مسئول لكن مش كل المسئولية علي ومينفعش أبقى كبش فداء.
