شن الإعلامي تامر أمين، هجوم كبير على ظاهرة التسول والمتسولين في الشوارع، وذلك خلال برنامج آخر النهار على قناة النهار.
وقال تامر أمين : “قناعتي أن المتسولين مرتزقة، ومافيا وأغنى مني بكثير ومن أي حد، اللي يستاهل المساعدة هو اللي بيسعى لأكل عيشه بالحلال”.
تصريح صادم من تامر أمين عن المتسولين في الشوارع
وأضاف: “الشحاتين والمتسولين اللي بنشوفهم في الشوارع وإشارات المرور وعلى الكباري دول ما يستحقوش أي مساعدة لأن الدين ماقلش نساعدهم”.
وفي وقت سابق، كانت حالة من الهجوم الشديد شنه الإعلامي تامر أمين، على الفنان محمد رمضان، بسبب إطلالته في الحفل الغنائي الذي أحياه مؤخرا في الساحل الشمالي،حيث ظهر نصف عارٍ على المسرح.
وقال تامر أمين خلال تقديمه برنامج “آخر النهار” عبر قناة النهار: “ليه في كل حفلة لازم أقلع، هو القلع كيف عندك؟”.
وأضاف: “اللي يعمل كده شخص صغير أو مش معروف، عايز يعمل تريند أو حاجة شاذة علشان الناس تشاور عليه ويتعرف، لكن لما تبقى من أهم وأشهر النجوم، ومن أكثرهم نجاحا وأكثرهم ألمونيا يعني فلوس، لازمته إيه الإثارة وأفعال تسبب لك الانتقادات، إلا إذا كان كيف”.
وتابع: “إتكلمنا في الموضوع قبل كده، ونقابة المهن الموسيقية قالت كده غلط وطلعت عقوبات عليك، وأعتقد بعض الفنانين التزموا ووقعوا إنهم مش هيطلعوا كده على المسرح، هل عندك حساسية من القمصان أو مشكلة مع التيشرتات؟”.
