هل تفكر في عمل ولا تعرف من أين تبدأ؟ ومن سياسعدك او كيف تحصل على التمويل؟ لا تحمل هم نحن سنسهل عليك الأمر ونوضح لك تفاصيل أسهل وأسرع قرض مشروعات في مصر، ممكن أن تحصل عليه من بنك مصر، فتابعنا لمعرفة التفاصيل:
بنك مصر كشف عن برامج جديدة لتمويل المشروعات الصغيرة وده عشان يلبي كل احتياجات عملائه، ولو انت بتفكر في مشروع صغير تبدأ فيه حياتك العملية فـ متشلش هم المصاريف
وده لأن البرامج دي بتمول المشروعات الصغيرة وبتقدملك أسهل وأٍسرع قرض مشروعات في مصر
وده لأنك هتقبض قيمة القرض فـ 5 أيام بس، أيوة زي ما سمعت كده بظبط 5 أيام بس وتاخد الفلوس في ايديك، طيب ياترى القرض هيديني كام؟
شوف يا سيدي حسب جدول أسعار برامج التمويل اللي بيقدمها بنك مصر فـ يبدأ قرض المشروعات الصغيرة من 100 ألف جنيه ولحد 2 مليون جنيه
الجميل في الموضوع إنك تقدر تقدم على القرض ده «أون لاين» يعنى مش مضطر إنك تروح للبنك وده عن طريق خدمات بنك مصر إكسبريس الجديدة
وده لأن خدمة إقراض المشروعات الصغيرة هي من أول الخدمات الرقمية الكتيرة اللي بيقدمها البنك تحت أسم بنك مصر إكسبريس، ومش بس كده ده البنك ناوي يعلن عن خدمات تانيه كتيرة عن طريق المنصة دي.
طيب مين اللي من حقه ياخد التمويل ده؟
هقولك ياسيدي خدمة تمويل المشروعات الصغيرة بنك مصر أون لاين، بيعتبر خدمة إقراض جديدة بيقدمها البنك لعملاءه الحاليين سواء كانوا منشآت فردية أو شركات أشخاص أو حتى العملاء الجدد أو منشآت فردية
وكمان البنك بيقدم الخدمة دي للمشروعات اللي موجودة بالفعل يعني بيمول المشروعات الصغيرة اللي شغاله حاليًا.
طيب إزاي اقدم عليه وإيه المستندات المطلوبة؟
هقولك ياسيدي بس خلي بالك قرض إكسبريس ده تقدر تقدم علية عشان تشتري آلات ومعدات وبس، لكن متقدرش تاخده لو الغرض هو تكوين رأس مال أو شراء مخزون ودي حسب المعلومات اللي أعلنها البنك، بمعنى إنك بفلوس القرض ده هتقدر تشتري الات ومعدات جديدة تبدأ بيها مشوعك.
أما بقى لو بتسأل عن المستندات المطلوبة، فعبارة عن البطاقة الشخصية،و السجل التجاري، والبطاقة الضريبية، والموقف التأميني والضريبي، القوائم المالية لآخر عام مالي، عقد الإيجار أو التمليك، السجل التجاري للموردين، عرض سعر من الموردين.
والجميل في الموضوع إنه هتقدر المشروعات الصغيرة الخاضعة لمباردة البنك المركزي إنها تاخد معدل عائد منخفض يوصل لـ 5%.
طيب لو مشروعك مش خاضع لـ مبادرة البنك المركزي أقدر أقولك متقلقش بردو، وده لأنه في معدل عائد متناقص وده بيشمل كل الأعباء للشركات غير الخاضعة لمبادرة البنك المركزي.
وده معناه إنك لو أخدت مرابحة لـ المشروعات الصغيرة، مش هتتحمل أي أعباء أو مصروفات إضافية، وهتستفيد من معدل عائد ثابت طول فترة المرابحة.
.
دلوقتي قولنا هل فكرت في فكرة مشروع تبدأ بيه حياتك العملية وياترى إيه العقبات اللي وقفت قدامك وهل ممكن تقدم علي قرض بنك مصر عشان يساعدك؟
