علق المخرج مجدي الهواري، زوج الفنانة غادة عادل، زواج الداعية الإسلامي معز مسعود، والفنانة الشابة شيري عادل، عبر حسابه عبر موقع التواصل الاجتماعي الخاص بالصور والفيديوهات القصيرة “إنستجرام”.
ووجه المخرج مجدي الهواري، رسالة غاضبة للغاية لمتابعيه في إشارة منه عن ضيقه الشديد من الضجة المثارة حول الثنائي المتزوج حديثًا معز مسعود وشيري عادل عبر مواقع التواصل الاجتماعي بعد إعلان ارتباطهما وحتى الآن.
وكتب المخرج مجدي الهواري، عبر حسابه الشخصي عبر “إنستجرام”، فقال: ” يا جماعة، ليه الهري في موضوع جواز معز مسعود وشيري عادل.. هما متقفشوش في شقة مفروشة على فكرة، ولا خدها واحد عرفي ع الماشي. دول اتجوزوا على سنة الله ورسوله، يعني مأذون وشهود ومهر وشبكة. عيب بقى، وبعدين احنا ليه بنشوف نصف الكوب؟”.
وتابع مجدي الهواري فقال: “مش يمكن قصة حب ، ولا هو علشان بيقول قال الله وقال الرسول مش من حقه يحب، ولا هي علشان ممثلة تبقي حرام تتجوز!، انا شخصيا بتبعه وشايف انه راجل متوازن جداً وغير مدعي زي غيره ، وكل تصرفاته في النور ، كان ممكن يتجاوزها في السر علي فكرة زي كتير منهم وعادي ،، كونهم أعلنوا في حد ذاته هو احترام لينا وللرآي العام”.
واختتم كلامه فقال : ” “انا بتكلم دفاعاً عنهم بنيابة عن اهلهم اللي مش حلو يقروا اللي بيتكتب عن ولادهم ده عيب !! فانقول مبروك للعروسين بقي ولا هو اَي فضا”.
