قالت الفنانة والراقصة فيفي عبده:”لو حفيدتي شهد قالت لي أنا عايزة احترف الرقص هرفض وأقولها لا طبعا، لو أيامي كان الوضع مختلفا وكل الناس اللي قاعدة مهمين ولا يقولوا أي كلام”.
وأضافت خلال لقائها ببرنامج “حبر سري” الذي تقدمه الإعلامية اسما إبراهيم بقناة “القاهرة والناس”:”مش ممكن اسمح لحفيدتي إنها ترقص، وبعدين هي اتعلمت ليه مينفعش تتعلم، وبعدين تروح ترقص، أنا لو كنت اتعلمت وعارفة أني هوصل لكدة مكنتش اشتغل رقاصة، وزمان أنا اتبهدلت في الشغل علشان أوصل للي وصلت له”.
وتابعت:”الرقص كان فن وليه قيمة عن دلوقتي، مينفعش نقارن اللي إحنا فيه دلوقتي بالرقص بتاع زمان، وعلشان كده منلقيش عندنا راقصة مصرية موجودة ومصر زمان كانت مليانة راقصات”.
وأكملت فيفي عبده:”طول الوقت بيهاجموا الرقص الشرقي وبيحاولوا يسوقوا إنها شغلانة سيئة السمعة”.
مستقبل حفيدة فيفي عبده
ولفتت:”حفيدتي شهد مش هترضى تكون راقصة وهي مثقفة ومتعلمة مش زيي أنا لما طلعت كنت خرجت من 3 ابتدائي وأخدت شهادة الحياة بعد مرار، وتعبت وطفحت الدم علشان ابقى فيفي عبده، نفسي أشوف شهد دبلوماسية وعروسة حلوة”.
وأوضحت:”مش عيب ولا حرام إن الفنانات يتجوزوا في سن كبيرة، فيه ناس بتبقى محتاجة الونس، وأنا سعيدة بظهور نجاة وأنها طلعت تغني طيب سيبتوها ليه 20 سنة مختفية ليه نسيتوها، وأنا لو مش في الميديا كان زماني منسية”.
مقالات أخرى قد تهمك
مصطفى كامل يهاجم نجل حلمي بكر ويكشف أسرارا جديدة عن وفاته
على خطى والده.. ابن هاني الناظر يفاجئ متابعي الراحل بهذا القرار
