تعرضت البلوجر سارة محمد لصدمات كثيرة خلال الأيام الماضية، فكيف ستلاحق على حالتها الصحية والنفسية ايضا؟من قبل وبعد العملية التى نسبة نجاحها كانت أقل من5%..
من بعد ما خرجت من العمليات مش شايفة أى حاجة إلا السواد،وفقدت نور عنيها بشكل نهائى ومبقتش هتشوف تانى بعد الأمل الأخير اللى كانت معلقة نفسها به ..
الكل لسه بيدعى لها رغم إنعدام الأمل ، والمفروض إنها تستلم لقضاء ربنا إلا إن كل اللى حواليها بيدعمها والغريب قبل القريب إلا شخص واحد بس !
خطيب سارة فين،مظهرش ولا قال حاجة عن إحساسه ولا حسسها بحبه لها اللى بيقول عنه، وفى اللى بيقولوا هتتجوز واحدة عامية؟رد وقال وإنا إتجوز واحدة عامية ليه؟ أهلها خايفين على سارة تعمل حاجة فى نفسها بعد اللى حصل..ربنا يستر!
هتجوز واحدة عامية ليه؟ ده خلاص مش هتشوف تانى وأنا عارف ده كويس!انا مكلمتش سارة بعد ما العملية فشلت ،ولكن أطمنت عليها من الدكتور وأكدلى إن مفيش أمل إنها تشوف تانى لكن مفيش مستحيل على ربنا ..
ده كان أول تعليق لمصطفى خطيب البلوجر سارة محمد بعد خروجها من العمليات وفشل العملية،
خطيب سارة لسه عند كلامه حتى بعد ما فقدت نور عنيها بشكل كلى ،لسه نفس حبه وإحساسه لسارة ومفيش حاجة إتغيرت ،وقال الناس فاكرة أن كنت بحب سارة علشات هى مشهورة ،أنا بحبها من قبل ما تقدم اى حاجة ،سارة كانت حب عمرى ولحد دلوقتى..
قال كمان هى الناس مستغربة وبيقولولى هتتجوز واحدة عامية ؟..لكن سارة مش عامية،سارة قلبها أطيب من اى حد ،وأهلها منعنى إن أشوفها أو أكلمها ..أنا مش هتخلى عن سارة مهما حصل ومستعد إتجوزها وهكون سند لها ..
مصطفى أكد إنه مش ندل وإبن أصول كويس ويقدر يعرف اللى يصح واللى المفروض يتعمل والعكس ،الحقيقة إن فى خلافات بين خطيب سارة وأهلها طول الفترة اللى فاتت ومن قبل الواقعة كمان ،واللى فى النص وفى صراع كبيرة بينهم كانت سارة دفعت التمن غالى أوى.. ونور عنيها راح ..
وخطيبها كان رافض الجواز الفترة اللى فاتت زي ما والدها طلب منه بسبب حالة سارة ..كان مستنى يطمن عليها وإنه كان شايف إن الوقت مش مناسب ،ومن ناحية كتب الكتاب هو مستعد فى أى وقت بس سارة يطمن على سارة الأول..
بيقول إن اهلها منعينه من التواصل معاها وهو حاول يروح لها البيت لكن فشل إنه يشوفها ،
والد سارة نفى الكلام ده وقال مسألش عليها إلا مرة واحدة وجه مع أهله ولما طلبت منه نكتب الكتاب قالى هفكر وارد عليك ،وراح مرجعش فكر ومردش عليا وفص ملح وداب ..مصطفى إختفى ومنعرفش حاجة عنه من ساعتها
الولد دا قدمه نحس عليها من أول ما خطبها وفي حاجات كتير بتحصلها، ومجاش غير مرة واحدة يطمن عليها وجه عملنا مشاكل ومشي، واتصل بس مش كل يوم..
مصطفى إستغرب من كلام حماه وقال :أنا بحبها وسألت عليها من أول يوم الحادثة وكنت معاها وروحت معاها البيت، كنت بروحلها المستشفى وأسال عنها وجبتلها بوكيه ورد وخاتم هدية ،بس أهلها رافضينى ..رافضينى وخاصة أمها
والدتها رافضة ارتباطنا من قبل الواقعة،عايزة تجوزها من شاب غنى ،علشان كده رفضوا طلب والدى لزيارتها أكثر من مرة،على الرغم من إنى روحتلها تحت المنزل و فى المستشفى وزورتها فى غياب والدها..
ربنا يكون فى عون سارة تفتكروا كلامه صح وهو متمسك بها فعلا بعد العملية؟ولا مجرد كلام علشان شكله قدام الناس وميطلعش ندل فى نظرهم؟طبعا هو ليه مطلق الحرية فى اختياره لكن إيه ذنب سارة؟ سارة أهلها خايفين عليها تفكر تنهى حياتها خاصة بعد العملية اللى نسبة نجاحها كانت أقل من 5% ،سارة محتاجة لدعم نفسى كبير بعيد عن اى حاجة ممكن تخليها تنتكس حتى ولو كان الشخص ده خطيبها ..تفتكروا منع والدها له من زيارتها هيكون فى صالح سارة؟
