قال علاء فتحي، سائق القطار الذي تسبّب في حادث محطة مصر، إنه لم يتعمّد التسبّب في الحادث، وهناك خطأ حدث تسبّب في حدوث الواقعة.
وأضاف “فتحي” في حواره مع الإعلامي وائل الإبراشي في برنامج “كل يوم” المذاع على قناة “أون إي”، قائلاً: “المسئول عن الجرار ليس السائق فقط، وهناك فنيون وفريق صيانة ولازم نشوف صيانة تلك الجرارات”.
وتابع: “أنا مخطئ وهناك نسبة خطأ ولكنني لن أتحمل المسئولية بأكملها، والجرارات كلها عايزة صيانة
وأضاف السائق: “طبيعة العمل اليومية فيها أخطاء، ومش كل يوم باعمل حادثة، وأي حد بيغلط، بس أنا اتفاجئت بالجرار الآخر اللي اصطدم بيّا، فاتنتَرت واتهزّيت من الصدمة، ولما نزلت من الجرار زعقت لسائق الجرار الثاني، وحصل مشادة بيننا، وكل واحد فينا شايف إن التاني غلطان، وفجأة لقيت الجرار مشي لوحده مش عارف ازاي!”.
وتابع فتحي: “ما أخدتش بالي إن السرعات متحركة، وعشان مفيش صيانة اللي دايما باشتكي منها وماحدش بيعبرني، والجرار فيه بوش في السرعات اتحرك لوحده.. ولو عاد بي الزمن كنت وقَّفت الجرار، ومش مهم ولا مشكلة يقع من الخبطة، بس ما أعرفش الغيب”.
