على مدار يومين كاملين تسببت صورة لمحور الدكتورة سميرة موسى في حالة جدل كبيرة على مواقع التواصل الاجتماعي بسبب ميل زوايا الكوبرى في الطلوع والنزول على غير الحقيقة!. ما هي المفاجأة التي جعلت الناس تصمت وكيف تم تصميمة بطريقة هندسية عالمية هذا ما نتعرف عليه من خلال التقرير التالي:
ضجة كبيرة على مواقع التوصال الاجتناعي لصورة غريبة اتصورت لمطلع محور الدكتورة شميرة موسى” بمنطقة التجمع بيتين وجود علو كبيرة للطلوع والنزول على غير الحقيقة لحد ما تم تصوير فيديو يرصد تجربة عملية بالعربية لطلوع المحور والنزول منه لتكشف عن مفاجأة.
التقارير الإعلامية نشرت فيديو لعملية طلوع الكوبرى وتبين إنه طبيعي والعربية هتطلعه بمعدلها الطبيعي كمان بسرعة 60 كم/ الساعة على المحور من غير متقف، ده غير إن مرحلة النزول منه برضه كانت طبيعية زيه زي أي محور تاني عكس كل الكلام اللي اتقال.
وبعد عرض الفيديو اللي بيرصد تجربة عملية لطلوع الكوبري والنزول منه، تبين إن الصور ومقاطع الفيديو اللي نشرتها بعض الجماعات المأجورة جت من زوايا مقربة لإظهار الكوبري بشكل يدعو للاستغراب لفرط ارتفاعه، ده غير إنه تم استخدام خاصية “الفوتوشوب” لتغيير طبيعة الصور.
ويعتر الكوبري ده واحد من أهم المحاور المرورية المهمة اللي عملتها الحكومة المصرية في الفترة الأخيرة، لأنه هيربط شبكة الطرق الضخمة اللي بتطورها مصر دلوقتي ببعضها كمان هينقل حركة العربيات من جنوب القاهرة لمناطق التجمع الأول والتجمع التالت وطريق السويس والمقطم، علشان كدة الرئيس عبد الفتاح السيسي قال ان التشكيك في انجازات الدولة بقالها أكتر من 80 سنة مش دلوقتي بس.
علشان كدة المهندس أنور أمين، مدير الشركة المنفذة لمحور سميرة موسى، قال في تصريحات تليفزيونية إن المحور ده اتصمم علشان يكون موازي للطريق الدائري وينقل الحركة من جنوب القاهرة بالكامل لمنطقة التجمع وطريق السويس والمقطم.
وأضاف خلال مداخلة هاتفية لبرنامج «على مسؤوليتي»، اللي بيقدمه الإعلامي أحمد موسى إن «طول المحور كم، وعرضه 35 متر، ومكون من 10 حارات»، ويتقاطع مع مجموعة من المحاور العرضية اللي عملتها الدولة في الفترة اللي فاتت، بارتفاع 26 متر عن سطح الأرض و8.5 متر عن خط سير “المونوريل”.
مدير الشركة المنفذة للمحور قال كمان إن الارتفاع الكامل للمحور 27 متر، وده معناه إن الطلوع والنزول هيكون في حدود المطلوب بمعدل 6%، وده ميل منطقي وطبيعي، لأن شكل الأعمدة والمشروع متنفذ بجودة كبيرة بطريقة عالمية ده غير إن المنطقة جنب المنارة وأي مشروع في المنطقة لازم يتنفذ بجودة عالية أوي.
ونوه مدير الشركة المنفذة لمحور سميرة موسى، إلى أن الصورة المتداولة على مواقع التواصل ملتقطة من زاوية ومنطقة، تستهدف إثارة البلبلة بدون داع، ولما سأله أحمد موسى هل الكوبرى اتسبب في مشكلة في الطلوع والنزول ولا لاء رد عليه مدير الشركة المنفذة قال له “ده سؤال المفروض ما لايتسألش عيب”!
وقال كمان المهندس أنور أمين إن الدولة عشان تعمل مشروع زي ده في جيش من الناس بتشتغل فيه، وبياخدوا كل الإجراءات والاحتياطات اللي تضمن خروج الكوبري مطابق للمعايير العالمية ومش طبيعي إننا ندافع عن كل عمل تعمله الدولة لأن مفيش قلم بيتحط على ورقة إلا لصالح الدولة والمواطن».
أخيراً.. عاوزين تعليقاتكم ليه الجماعات المأجورة بتستخدم الفوتوشب علشان تعمل ضجة وبلبلة بين الناس؟.. خاصة إن المحور ده هيحل أزمة مرورية كبيرة لتلات مناطق من جنوب القاهرة للتجمع والمقطم وطريق السويس.
