ردت الراقصة الاستعراضية سما المصري على تصريحات المستشار مرتضى منصور رئيس نادي الزمالك، والتي هاجمها من خلالها بسبب ظهورها بـ «موتوسيكل» خلال إدلائها بصوتها في انتخابات الرئاسة المصرية، التي أجريت الأيام الماضية، مؤكدا أنها أساءت لجميع نساء مصر.
ونشرت سما، عبر حسابها الشخصي على تطبيق تبادل الصور والفيديوهات القصيرة «إنستجرام» فيديو مُسجل لها من أمام لجنتها الانتخابية كانت تتحدث عن منصور، وعلقت عليه قائلة «مرتضي منصور ميكس كل حاجه والعكس…….بص يا أشرف واحد في مصر….أنت طلعت قدام الستات في لجنه الانتخابات وحبيت تعمل نمره عليا وتشتمني والست اللي كانت واقفة جمبك اللي انا ما اعرفهاش هي اللي دافعت عني لما قلت اني عيب اني اروح الانتخابات بالموتوسيكل واني بكده بسيئ لستات مصر فالست ردت وقالت لك هي حرة انت زعلان ليه تعمل اللي هي عايزاه دي حريتها الشخصية».
وأضافت سما «أنا الست دافعت عني من غير ما تعرفني علي عكس اللي حصل معايا وانا قدام لجنتي وباقول انك اشرف واحد في مصر ذي ما أنت قلت ودا طبعا سف عليك فالرجاله اللي جمبي دا كان رد فعلهم ولولا اني عرفت اسكتهم كان زمانهم قالوا فيك ضرر واشعااااار من اللي قلبك يحبها وانت عارف كانوا ممكن يقولوا ايه عنك وعارف كويس جدا بس احترموا وجودي».
وتابعت المصري في رسالتها: «مرتضي أنا محترمة غصب عنك وانت عارف ومتأكد من كده ومش هتجرجرني زي زمان لمعارك تظهر فيها ان انت البطل والوحش الكاسر بسبب علاقاتك مش اكتر من علاقات وبكره تنتهي مفيش حاجة بتدوم يامورتا».
واستطردت «أنا بس كل شويه هاطلع كده افكرك بحبك للاخوان ودفاعك عنهم واشيرلك فيديو حبك فيهم وعزلك ليهم وبدل ماتجيب سيرتي في موضوع موتوسيكل خليك راجل كده وجدع وأسد زي ما انت دايما بتقول علي نفسك واطلع قولنا انت كنت بتدافع عن الاخوان ليه وميت في هواهم ودلوقتي بتشتم عليهم….ولا خلص الأول مشاكل ناديك اللي ودت النادي ورا الشمس».
وختمت سما رسالتها «وبعدين ابقي هات سيره الموتوسيكل اللي مش عاجبك…نفسك تركب واحد ذيه ومش عارف ولا ايه عشان عندك كرش».
