راح خليك تبيع كليتك وتصلح سيارتي!..هذ1ه كانت أشهر الكلمات التي قالها شاب كويتي في واقعة صعبة أهان فيها شاب مصري في الشارع أمام كل الناس.
الشاب المصري هو عامل دليفري اصطدم بالعربية الفارهة للشاب الكويتي، فما وجد من الأخر إلا ان بهدله بشكل يكون حديث الناس ليس في الكويت ولكن في مصر أيضا، فماذا حدث بينهم؟ هذا ما سنتعرف عليه من خلال هذا التقرير:
مفيش حديث على السوشيال ميديا خلال الساعات اللي فاتت إلا عن الواقعة المثيرة للجدل اللي اتعرض فيها شاب مصر بيشتغل عامل دليفري في الكويت إلى الإهانة بطريقة مستفزة من شاب كويتي بسبب اصطدامه بسيارته الفارهة.
تفاصيل القصة
بداية تفاصيل الواقعة لما كان الشاب المصري اللي بيشتغل عامل دليفري راكب الموتوسيكل اللي بيوصل بيه الطلبات وأثناء سيره في الشارع كان فيه شاب كويتي راكب عربيته البنتلي الفارهة لكن الشاب المصري اختل توازنه عشان غصب عنه يصطدم بسيارة الشاب الكويتي من الأمام.
الاصطدام اتسبب كسر الفانوس الأمامي للسيارة البنتلي عشان ينزل الشاب الكويتي ويمسك في العامل المصري في الشارع قدام الناس.
طبعا الشاب الكويتي مسكتش ونزل في العامل المصري إهانة بطريقة كبيرة وهو يزعق فيه ويصرخ فيه.. مش بس كده كمان قعد يقوله: راح اخليك تبيع كليتك عشان تصلحلي سيارتي!.. في سخرية منه وأنه فقير ومش معاه فلوس وأنه كله على بعضه مش يجيب تمن فانوس في سيارته.
الواقعة دي اللي كان متواجد فيها أحد الأشخاص وصور مقطع فيديو للكويتي وهو بيهين الشاب المصري ونشره على السوشيال ميديا عشان يتم تداوله بصورة كبيرة جدا وسط حالة غضب كبيرة.
حالة الغضب اللي حصلت بسبب إهانة العامل المصري وإزاي الكويتي بيهينه قدامه كل الناس بسبب أنه مش معاه فلوس وبيشتغل على قد حاله وإن الشاب الكويتي بيستغل إن المصري مش بإيده يعمل حاجة عشان خايف على شغله وأنه يترحل من الكويت عشان كده تقبل الإهانة وهو ساكت بدون ما يعمل حاجة.
مع أثارة الجدل بصورة كبيرة حوالين الواقعة خرج الشاب الكويتي في فيديو جديد وقال إنه كان بيهزر وأنه في النهاية سامح الشاب المصري علشان هو عارف أنه مش معاه فلوس.. مش بس كده ده كمان مش عارف نوع سيارته البنتلي وبيقول عليها سيارة فانيلا.
الفيديو اللي نزله الشاب الكويتي كان السبب في حالة من الجدل يبين أنه سامح الشاب المصري اللي مكنش قادر يدفع تمن فلوس تصليح السيارة الفارهة وبين ناس شايفة أن مهما يكن ده مش مبرر للإهانة والسخرية بالطريقة دي.
شاركونا برأيكم وقولنا رأيكم في الواقعة دي وهل تقبل الشاب المصري الإهانة والسخرية عشان يستمر في شغله ومش يترحل من الكويت أفضل ولا كان عمل إيه؟
