في واقعة غريبة من نوعها، تداول رواد مواقع التواصل الاجتماعي، واقعة سرقة هاتف محمول، بمحافظة الإسكندرية، حيث قام السارق بتصوير نفسه بكاميرا الموبايل الذي قام بسرقته، الأمر الذي أثار سخرية الجمهور.
واستطاعت صاحبة الموبايل أن تصل إلى الصور من خلال حساب جوجل، وقامت بتحرير محضر ضد السارق.
«صور نفسه بالموبايل».. حرامي يثير سخرية رواد السوشيال ميديا
وكتبت أحد رواد مواقع التواصل الاجتماعي: “يا جماعة الخير الحرامي ده لقى موبيل قريبتي وتواصلنا معاه وقال هيرجعه وقفل الموبايل وطلعنا الصور اللي متصورها من الموبايل بالأكونت من جوجل، ياريت شير لحد ما نوصله وعملنا محضر في القسم بصوره وياريت تساعدونا نوصله.”
فيما قالت نور صاحبة الموبايل: “أنا كنت راجعة من الكلية ومروحة البيت ولازم أركب من الموقف، وأنا هناك وقفت استنيت حوالي 10 دقايق عشان ألاقي حاجة اركبها، ولما ركبت لقيت سوستة الشنطة الصغيرة مفتوحة ودي كان فيها الموبايل ولقيته اتسرق”.
وتابعت: “مكنتش اتوقع إن ده كله يحصل بصراحة، أنا كنت عايزة بس حد يتعرف عليه عشان أرجع الموبايل من غير محاضر والكلام ده، لأن من ضمن الصور صور لابنه تقريبا، ومكنتش عايزة أبهدله”.
