أثار دكتور مصري شاب حالة كبيرة من الجدل على السوشيال ميديا بعد ما كان راتبه في مصر 700 جنيه قرر أن يترك البلد ويسافر الكويت ودالآن مرتبه وصل 80 ألف جنيه. كيف فعل ذلك ؟ هذا ما سنتعرف عليه من خلال التقرير التالي:
طول عمرنا بنقول إن الغربة مرة، بس الحقيقة أن طلع فيها فلوس حلوه، دى اللى بيقوله مواطن مصري عايش في الكويت، هوا شغال دكتور علاج طبيعى هناك، مرتبه 800 دينار كويتي يعنى من كام أسبوع كانوا يعملو 40 ألف مصر تقريبا، انهاردة أخونا المصرى المحظوظ ده، مرتبه بقا يعمل 80 ألف جنية مصري، ده على كلامه يعنى بعد ما الدينار الكويتى بقا بـ 100 جنيه مصري، لنا الله والله.
المهم أحنا جبنا كلامه وعايزين ناخد منه عبرة وعظة، إيه اللى نعمله علشان يكون معانا فلوس زيه، وان اللى قدامة فرصة يسافر الكويت، يسافر ولا لا.
الدكتور بكل بساطة قال في تغريدة ليه على تويتر، انه كان بياخد في مصر قبل ما يسافر حوالى 700 جنيه مصري، يعنى معداش الألف جنيه، ولما ربنا كرمة وسافر الكويت مرتبه بقى في الآلاف بقى 40 ألف جنية مصري ومع التعويم في الجنية المصرى اللى حصل من شويه بقوا يعملوا 80 ألف جنية مصري، أيوة زى ما سمعت كده الفلوس، من 800 جنية في مصر لـ 80 ألف جنيه، ده حصل بس لما سافر الكويت، ما اشتغلش شغلانه تانية، ده غير البلد بس.
الدكتور بيكمل كلامه وبيعبر عن نصيحته للشباب في مصر، بمقطع من كوبلية شهير، وهو: “أنا شوفت فيكى مرمطة وعرفت مين اللى اتظلم” وبيكمل كلامه ويقول: كان الله في عون زمايلنا اللى في مصر ونحسبهم من الصابرين، يعنى بكل بساطة شايف ان اللى قدامه فرصة يسافر، يسافر.
الحقيقة ان كتير من الشباب المصرى بيدور على فرصة سفر للكويت، الكل بيجرى على أي حد يشوفله عقد هناك، والحقيقة الحلم ده كان على وشك أنه يتبخر الفترة اللى فاتت بعد ماطلع قرار كان صدمة للجميع وهو منع العمالة المصرية من دخول الكويت.
لكن من ساعات فاتت طلع وزير القوى العاملة يكشف عن مفاجآت سارة عن قرار منع دخول العمالة المصرية بالكويت ويكشف مصير المصريين هناك.
وزير القوي العاملة الله يباركله طلع وكشف عن مفاجأة أن الوزارة لحد دلوقتى شغالة بتمضى على عقود عمل لمصريين في الكويت، والدنيا أخر حلاوه يعنى مافيش مشاكل يعنى، لا ده كمان فيه تساهيل.
ببساطه كدا، الراجل أكد أن الخليج كله على بعضه مايقدرش يستغنى على العمالة المصرية، وان فيه فرص عمل هيعلن عنها خلال الفترة اللى جاية بس هايكون فيه شوية تظبيطات.
دلوقتى حابين نعرف رأيكم اللى قدامه فرصة يسافر، يتغرب ويسيب أهله على شان القرش، ولا يقعد جنبهم وفيه ناس تانيه بره بتجيب بالآلاف؟ .. اكتبولنا في التعليقات.
