مفيش كلام في مصر الأيام الماضية إلا عن شروط الزواج الجديدة في مصر والتي ستطبقها الحكومة مع إنشاء صندوق دعم الأسرة، وسط كلام كثير عن أن العقد سيكون له رسوم حوالي 30 ألف جنيه.
لكن علاء مبارك ابن الرئيس الراحل كشف عن تفاصيل مثيرة في قصة شروط الجواز من وجود اختبارات بدنية وهل حقيقي إن لازم العريس يعمل 10 عدات ضغط و20 عقلة؟ وإيه حكاية كشف الهيئة؟.. تفاصيل كتيرة نكشفها في الفيديو ده.
في الوقت اللي الناس كلها بتتكلم عن شروط الجواز الجديدة اللي هتقرها الحكومة، أثار علاء مبارك ابن الرئيس الأسبق حسنى مبارك حالة كبيرة من الجدل على السوشيال ميديا خلال الساعات اللي فاتت بسبب تويتة نشرها عبر حسابه على موقع تويتر بيعلق فيها على قصة شروط الواز الجديدة وصندوق دعم الأسرة الجديد.
ماذا قال علاء مبارك؟
التويتة اللي نزلها علاء مبارك قال فيها إن العريس اللي عايز يتجوز لازم يعمل في الأول كشف طبي وبعد موافقة اللجنة بتاعت الكشف الطبي والمأذون على أنه يتجوز يبقى وقتها يتأهل للمرحلة التانية واللي هي بتكون اختبارات بدنية تحت إشراف مدرب أحمال كير يقدر أنه يحدد مستوى العريس.
مش بس كده لكنه قال إن العريس هيكون خلال الاختبارات البدنية عليه إن يعمل 10 عدات ضغط و20 عقلة و20 قرفصاء وكمان لازم يختم بـ3 لفات على التراك اللي في محيط ملعب كرة القدم بدون ما يتوقف ولو قدر أنه يتأهل بعد كل الاختبارا دي تتعرض النتيجة بتاعته على اللجنة ولو نجح يبقى فاضله كشف الهيئة وبعدها الموافقة ونبارك للعروسين.
الكلام اللي قاله علاء مبارك عمل حالة من الجدل الكبير على السوشيال ميديا خلال الساعات اللي فاتت والكل بيسأل هل دي معلومات وصلت له عن اللي ناوية الحكومة تعمله الفترة اللي جاية مع إعلان صندوق الجواز اللي هيكون ضمن قانون الأحوال الشخصية اللي هتفرضه الحكومة الفترة الجاية.
ناس تانية شايفة أن التويتة دي هي عبارة عن سخرية من علاء مبارك عن قصة شروط الجواز الجديدة وأنه بيقول كده كنوع من الكوميديا السوداء عن اللي بيحصل وأن الموضوع ده مش حقيقي من الأساس.
لكن المفاجأة أن اصلا التويتة دي مش موجودة على الحساب الرسمي الخاص بعلاء مبارك ومحدش عارف هل هو مسحها ولا عمل فيها إيه عشان يتراجع عن اللي كتبه بعد ما لفت التويتة السوشيال ميديا وأصبحت حديث الناس.
الأكيد أن الكلام اللي قاله علاء مبارك مش حقيقي لأن الحكومة قالت إن مش هيكون فيه اختبارات أصلا، كل الفكرة هيكون الكشف الطبي عشان ضمان أن الأولاد يكونوا بصحة كويسة ورسوم الصندوق بعد كده.
