أشاد الفنان عمرو محمود ياسين، بالفنانة مي سليم ، وعاملها وأخلاقها وذلك من خلال صفحته الشخصية على موقع التواصل الاجتماعي “الفيسبوك”.
حيث نشر عمرو محمود ياسين، صورة للفنانة مي سليم وكتب عليها قائلا:” بعيدا عن اي حاجه ..مي سليم من ارقى الشخصيات اللي عرفتها .. ست ماتسمعش صوتها في اللوكيشن غير و هي بتمثل، ..غير كده قاعده في اوضتها “.
وأضاف عمرو قائلا:” بساطه و خفة دم و احترام و تواضع في التعامل مع الجميع الصغير قبل الكبير ..والجدعنه والمواقف “الرجوليه” حاضره وقت اللزوم .. معرفتها مكسب لاي شخص ..صعب تعرفها في الحقيقه و لا تعتز بهذه المعرفه و اي حد بيشتغل معاها لازم يخرج حاببها جدا ولازم يشكر فيها “.
ووصفها قائلا:”فنانه ملتزمه؛ مجتهده ، راقية… ودايما الناس اللي زي مي لازم ياخدوا حقهم و نحكي عن تجربتنا معاهم وعنهم في لحظة ما… وانا اخترت التوقيت ده”.
جدير بالذكر، أن الفنان الشاب وليد فواز أعلن ، رسميا، طلاقه من الفنانة مي سليم قبل انتهاء شهر العسل. وقال، في بيان أصدره أمس: “ما حدث اليوم كان تصحيحًا لوضع من الأساس كان خطأ”.
واستهل فواز بيانه بالآية القرآنية: “الحمد لله رب العالمين.. ۖ وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ “صدق الله العظيم”، وأتبعها قائلا: ” قدر الله ماشاء فعل ..اللي حصل النهارده ده تصحيح لوضع كان من الأساس غلط والحمد لله أنه تم دلوقتي مش بعد كده”.
ومضى فواز قائلا: “ورغم أن كتير افتكروا إني اتسرعت في إعلان الخبر على السوشيال ميديا.. فأنا اتعودت أكون واضح مع نفسي وجمهورى اللي طلبت منه الدعاء بعد الضغط علي من قبل البعض وتصدير كم كبير من المشاكل ولدرجة وصلت للتشهير بيا لإصراري على الطلاق”.
وأضاف: “أنا بعترف فعلا إني اتسرعت في الجواز وافتكرت للحظة إن الحب كاف لكن في الحقيقة الحب مختلف تماما عن الواقع، والمرة الجاية حيكون اختياري قائم على العقل أكتر من العاطفة علشان أعمل أسرة بجد أكمل بيها حياتي والحمد لله إن الجوازة لم ينتج عنها أبناء ربنا يوفق الجميع، والله المستعان “.
