9 مهن، أن كنت تعمل أيا منها فأنت محوظ باتأكيد، وذلك لأن أمامك فرص ذهبية للسفر إلى إيطاليا وتقبض باليورو.ولكن ما الاعدادا المطلوية وما التفاصيل؟ تابعنا من خلل هذا التقرير لمعرفة التفاصيل:
بداية من 27 مارس الجاري وزارة القوى العاملة هتفتح باب التقديم على فرص عمل في إيطاليا، وده بعد اتفاق الدولة الأوروبية مع 32 دولة علي توريد العمالة ليها ومصر من ضمن الدول دي.
والوزارة دلوقتي بتحدد طرق الإعلان للتقديم، وفي انتظار باقي التفاصيل الخاصة بالأوراق المطلوبة ومواعيد السفر والرواتب الخاصة بكل مهنة.
لكن مبدئيا المهن المطلوبة هي النقل البري – التشييد – البناء – السياحة – الفنادق – الميكانيكا – الاتصالات – الأغذية – بناء السفن.
الاعداد المطلوبة
بص ياسيدي إيطاليا بسبب نقص الأيدي العاملة هتفتح الباب لدخول حوالي 82 ألف و700 واحد من خارج الاتحاد الأوروبي للعمل في اراضيها..
والعدد ده متقسم لنوعين: الأول هو العمل غير الموسمي والعمل الحر بعدد 38705 فرصة ، والتاني هو العمل الموسمي بعدد 44 ألف فرصة منها 22 ألف في الزراعة والباقي في السياحة والفنادق.
بس خد بالك العمالة الموسمية هتاخد اقامة مؤقتة، وبعد انتهاء مدة العمل لازم ينزلوا مصر، وإلا وجودهم في إيطاليا مش هيبقى شرعي.
طريقة التقديم
هنفترض ان شخص ما في إيطاليا عنده مزرعة أو فندق أو شركة ومحتاج يعين ناس، المفروض انه يروح مكتب العمل هناك الأول ويتأكد ان مفيش إيطاليين مناسبين للوظيفة اللي محتاج فيها عمالة.
وبعدها هيرفعوا طلبات استقدام عمالة للحكومة، والتقديم هيكون من خلال بوابة اليكترونية إيطاليا اللي تعملها.كمان عيسى إسكندر رئيس اتحاد العمال المصريين في إيطاليا رحب جدا بالخطوة اللي اخدتها الدولة الأوروبية.
وفي نفس الوقت، طالب الحكومة عنك بوضع بند إضافي يسمع بتقنين اوضاع العمالة غير الشرعية عشان يقدروا يقدموا على الوظايف المعلن عنها.بس اوعي تخلي الفرصة تزغلل عينك وتتخدع باعلانات التوظيف اللي بتنزلها شركات وهمية لإلحاق العمالة بالخارج.
وعموما مصر فيها 920 شركة رسمية الالحاق العمالة بالخارج، فقبل ماتاخد اي خطوة أو تدفع اي عمولة
اتواصل مع الإدارة العامة للتشغيل الخارجى، أو الإدارة العامة لشؤون شركات إلحاق العمالة بالخارج، بديوان عام الوزارة في عنوان 3 شارع يوسف عباس – مدينة نصر».
وعن طريقهم تقدر تتأكد اذا كانت الفرصة المعروضة عليك حقيقية ولا لأ، وهل الشركة اللي بتتعامل معاها ليها ترخيص فعلا ولا وهمية.
وعلى فكرة أكبر جالية مصرية في أوروبا موجودة في إيطاليا بعدد 630 ألف مصري حسب ابراهيم يونس رئيس الجالية بشمال إيطاليا
انتوا بقى لو شايفين الفرصة مناسبة هتفكروا تسافر ولا لأ؟ ولو تعرفوا حد بيشتغل في إيطاليا قوللنا إيه وضع المرتبات هناك؟
