لو مرتبك أقل من 10 الاف جنيه وتبحث على قرض شخصي يساعدك على الظروف المعيشية الصعبة وأيضا يكون بتسهيلات في السداد، فإن هذا التقرير من أجلك، تابعنا لمعرفة الشروط والإجراءات.
بنك الإسكان والتعمير أعلن عن إتاحة قروض شخصية داخل برامج متنوعة واللي هتكون مناسبة مع كل الفئات من العملاء، ولو فكرت تاخد قرض شخصي من بنك الإسكان والتعمير فهتقدر تاخد قيمة تمويل توصل لـ 1500000 جنيه.
والمفاجأة إن مدة التمويل بتوصل لـ 12 سنة. ولو قلقان من سعر الفايدة فـ أحب أقولك إن الفايجدة بتبدـ من 19.5% متناقصة سنويا. وبيحصل العميل على التمويل بدون ضامن.
وكمان بياخد تأمين على الحياة، مش بس كده كما يتم التأمين على حياة العميل مجانا طوال فترة القرض.والمفاجأة إنه بيكون الحد الأدنى للدخل الشهري 1200 جنيه بس.
أما لو بتسأل عن السن المناسب للاقتراض فيتراوح ما بين 21 سنة وأهم حاجة ما يزدش عن 60 سنة بنهاية الاقتراض.ومش بس كده لو بتدور على قرض شخصي يديلك مبلغ أعلى فعندك القرض الشخصي من بنك مصر واللي بيستهدف كل الفئات وبيوصل الحد الأدنى الخاص بيه لـ 1000 جنيه.
والمفاجأة إن قيمة التمويل بتوصل لـ 3 مليون جنيه ومدة التمويل كمان بتوصل لـ 12 سنة، وكمان الفايدة بتبدأ من 20% متناقصة سنويا.
والبنك بيقدملك وثيقة تأمين مجانية على الحياة وفي حالة حدوث عجز كلي.ولو أخدت القرض ده من بنك مصر هيكون مسموحلك إنك تاخد إعفاء من مصاريف فتح الحساب.
بس كل ده بشرط إنه ميقلش سن المقترض عن 21 سنة وما يزدش عن 60 سنة بالنسبة للموظفين و65 لأصحاب المهن الحرة.
وكمان من شروطه إنه ميقلش الحد الأدنى للدخل الشهري عن 1000 جنيه، وده بالنسبة للموظفين في حالة لو تحول المرتب للبنك و2000 جنيه في حالة لو متحولش المرتب للبنك.
أما بقى لو بتسأل عن القرض الشخصي من البنك الأهلي، فـ المفاجأة إن قيمة القرض الشخصي في البنك الأهلي بتوصل لـ 2.5 مليون جنيه كحد أقصى، كمان المصاريف الإدارية بتتراوح بين 2% و3% من إجمالي قيمة القرض تخصم مرة واحدة.
أما بقى سعر الفائدة فبيتراوح بين 21.5% و24% سنويا على أساس متناقص، وده بيكون حسب تحويل الراتب للعميل لوحده ولا كل رواتب العاملين بالشركة محولة على البنك.
وطبعا بردو بيختلف حسب نوع الوظيفة سواء موظف أو من أصحاب المهن الحرة.ولو بتسأل على سنين السداد فبتتراوح من سنة لـ 12 سنة، لكن أهم شرط هو إن السن يتراوح من 21 لـ 60 سنة.
وطبعا بيعتبر القرض الشخصي اللي بيطرحه البنك الأهلي ومصر من أكثر برامج القروض اللي حققت حجم مبيعات في البنوك وده لأنه في زيادة في طلبات العملاء عليها
بسبب سهولة إجراءات الحصول على القروض دي كاش بدون اشتراطات صعبة، وده لأن البنك الأهلي ومصر بيتيح القروض الشخصية دي لكل العملا سواء موظفين أو عاملين في مهن حرة.
ها دلوقتي قولنا لو مرتبك أقل من 10 ألاف جنيه ممكن تفكر تاخد أنهي قرض شخصي في دول؟
