وجدوهم فى شقتهم مفارقين الحياة ..6 أشخاص رحلوا مرة واحدة فى شقة فى 6 أكتوبر، تلك الواقعة التي هزت كل السوشيال ميديا الساعات الساعات الماضية، وسببت صدمة كبيرة لأكثر من سبب.
الخبر إنتشر على السوشيال ميديا بسرعة البرق إن 6 أشخاص، ..ومحدش عارف هل بفعل فاعل؟ مين اللى عمل فيهم كده وليه؟ والكل بيسأل طيب إيه اللى حصلهم؟تفاصيل كتير عن الواقعة المؤلمة دى هنعرف كل تفاصيها تابعونا ..
من أصعب الوقائع اللى ممكن تحصل أو تكون مفاجئة سواء لأهل اللى رحلوا أو للى رحلوا نفسهم أو حتى جمهور السوشيال ميديا ..تخيل أول ما نفتح عينا نلاقى خبر زى ده .. واقعة هزت قلوب كل جمهور السوشيال ميديا ولأسباب كتير إنها مفاجئة جدا ،عدد الأشخاص اللى رحلوا مش قليل ..6 أشخاص مرة واحدة..وإنهم كمان رحلوا فى أماكنهم على السرير وهم نايمين بين الأربع حيطان !
والغريب بقى إن الواقعة ظروفها غامضة شوية ،ومش معروف أسبابها ، ويقال إن الواقعة فيها شبه جنائية ،وبفعل فاعل بس ياترى التحقيقات وصلت لإيه ؟
كل الحكاية إن تلقت غرفة عمليات النجدة بالجيزة بلاغ بيفيد بالعثور على 6 جثامين داخل شقة بمدينة 6 أكتوبر وتحديدا بمنطقة هرم سيتى فى الوحدة رقم 12 .
على طول انتقل رجال المباحث إلى مكان البلاغ، وبالفحص تبين صحة البلاغ، ونقلت الجهات المختصة الجثامين تحت تصرف النيابة العامة للمشرحة علشان يتم الوقوف على ملابسات ، على ملابسات الواقعة وهل فى شبهة جنائية ول لا!
واتخذت الجهات المختصة كافة الإجراءات القانونية اللازمة..
ومن الإجراءات دى إن تم تحرير محضر بالواقعة، وتولت النيابة التحقيقات، والتى طلبت انتداب الطب الشرعي، والتصريح بالدفن،بعد ورود التقرير المفصل عن سبب الوفاة ..
كمان تم الاستعلام عن وجود كاميرات مراقبة بالمنطقة وتم تفريغها ولكن بعد التحقيقات إتضح إن الواقعة مش بفعل فاعل . ولكن هم فارقوا الحياة بسبب الغاز،ال6 أشخاص رحلوا مرة واحدة بسبب تسريب الغاز وهم نايمين ،5 أشخاص فارقوا الحياة وهم نايمين على السرير ،والشخص السادس لما حس بإختناق قام علشان ينقذ نفسه ويحاول ينقذهم للأسف مقدرش وفارق الحياة وهو على باب الأوضة ..
تخيل متغربين عن أهاليهم من محافظات ..وممكن يكونوا مجموعة الشباب دول شغالين فى منطقة قريبة وساكنين مع بعض ،وتكون نهايتهم واحدة ويفرقوا الحياة مع بعض زى ما عاشوا مع بعض ..
طبعا ده نصيبهم إنهم يرحلوا فى الوقت ده وبالطريقة دى ،منقدرش نقول حاجة ،بس نعمل اللى علينا وناخد بالنا من وصلات الغاز ،المحابس الموجودة ممكن قبل النوم نقفلها ..بس نبقى مطمنين شوية وفى الأول والأخر كله على الله وربنا يحفظنا جميعا يارب ..
فعلا فى وقائع كتير حصلت الفترة اللى فاتت شبيه بنفس الواقعة،وسمعنا كتير عن عرسان جداد فارقوا الحياة لنفس السبب بردوا ،تسريب الغاز ..ياترى المشكلة بتكون فى إيه هل فى وصلات الغاز ولا ممكن يكون الأشخاص نفسهم أساءوا إستخدام حاجة معينة وكانت النتيجة تسريب الغاز ففارفوا الحياة ؟ربنا يرحمهم وصبر أهاليهم..أدعولهم إن لله وإن إليه راجعون .
