المصريين والوافدين فى الكويت مستقبلهم أصبح على كف عفريت، وهذا ليس مجرد كلام وخلاص !لأن قرارت الحكومة الكويتية الأخيرة تقول هذا! وما كنا خائفين منه حدث! والحكومة الكويتية بدأت فعليا ترحل المدرسين المصريين والوافدين وتستغنى عن خدماتهم ..وهذه ليست المرة الأولى التى يحدث فيها ذلك!
الكويت ألغت 2400 أقامة لمدرس.. وقالتهم شكرا لحسن خدمتكم! ياترى مصيرهم إيه وهل هياخدوا مستحقاتهم ولا لا! وهياخدوها إزاى؟ تفاصيل كتير عن أزمة المدرسين فى الكويت هتعرفوا كل تفاصيها فى التقرير التالي:
الساعات اللى فاتت إنتشرت الأخبار اللى قلبت الدنيا فى الكويت وفى مصر الحقيقة ..بسبب الإجراءات والقرارت العاجلة الجديدة اللى أخدتها الحكومة الكويتية طبقا لسياية الإحلال اللى متبعنها الفترة الأخيرة!والتي بدأوا فيها من حوالى 3 شهور بتوجيهات من الوزير الدكتور حمد العدواني.
الأخبار بتقول وحسب ما نشره موقع صدى البلد إن وزارة التربية الكويتية خاطبت وزارة «الداخلية» لإلغاء إقامات حوالى 2400 معلم ومعلمة من الوافدين في تخصصات مختلفة، بينهم 1900 أُنهيت خدماتهم ودول تبع خطة الإحلال، وال500 تقدموا بطلبات استقالة..يبقى الإجمالى 2400 وافد منهم طبعا مصريين!
ونقلت صحيفة القبس الكويتية عن مصادر رسمية إن إدارة الموارد البشرية في «التربية» حرصت على إنجاز معاملات المعلمين غير الكويتيين المنتهية خدماتهم بنهاية العام الدراسي الحالي 2022–2023، واستكمال الإجراءات الخاصة بتسوية مستحقاتهم وإلغاء إقاماتهم في أسرع وقت،علشان ميتراكمش عليهم أي غرامات أو رسوم.
و من المتوقع أن وزارة «الداخلية» تدى المدرسين دول مهلة حوالى 3 شهور؛ لتسوية مستحقاتهم ووضعهم بشكل عام..
المصادر أكدت كمان إن اللى بيقال عن تجميد القرارات أو تأجيل إنهاء خدمات المشمولين بالإحلال لمدة سنة دع شائعات ومش صحيح .
الحقيقة إن دى مش المرة الأولى اللى الكويت تستغنى عن المدرسين المصريين والوافدين! من فترة إنتشرت الأخبار بردوا وهو إن وزارة التربية والتعليم إستغنت عن خدمات 1815 مدرس وافد فى مختلف التخصصات .. وده طبعا وفقا للى نشره موقع رؤيا الإخبارى.
وده طبعا تطبيق لفكرة التكويت اللى الحكومة الكويتيتة بتسعى لها طول الفترة اللى فاتت، خاصة من بعد تصريحات أمين سر مجلس الامة الكويتى أسامة الشاهين عن منع إستقدام المصريين للكويت ،وشايف إن وجود المصريين ده فى خطر على المال العام وعلى النسبة السكانية هناك،زى ما حصل الفترة الأخيرة!
علشان كده قررت وزاره التربيه في الكويت انهاء خدمات 1815 مدرس بينهم مصريين، و209 رؤساء أقسام وهيمشوا خلاص من الكويت على نهاية السنة الدراسية 2022/2023 وده حصل في 14 مادة تقريبا.
وعلشان يبان حسن نيتهم المتحدث الرسمى بإسم وزارة التعليم قال إن حكومة الكويت هتدفع كل مستحقات الموظفين اللي طلع قرار بإنهاء خدماتهم،وهيتم تقديم الشكر لهم.. خلى بالك إن ده مش إستقصاد للمصريين ..لا ده قرار لأغلب الوافدين مش المعلمين المصريين بس ،كل الحكاية إنهم فى الكويت عايزين يقضوا على البطالة الموجودة وبالعقل كده هم اولى بالشغل فى بلادهم ولا إنتوا رأيكوا إيه؟
وقتها قالوا إن فى فئات مستثناة من القرار ده
أحمد الوهيدة في بيان صحفي، قال إن وزير التربية وزير التعليم العالي والبحث العلمي الدكتور حمد العدواني شدد على ضرورة إعطاء أبناء الكويتيات الأولوية في التعيين بعد الكويتيين، واستثناؤهم من أي قرارات إنهاء الخدمة.. وده حسب ما نشره موقع ال سي إن إن .
مش بس كده الجهات المختصة في الوزارة لما هتختار أسماء المعلمين الوافدين المشمولين بخطة الإحلال مش هيكون بينهم أي معلم من الفئات المستثناة.
الوهيدة أكد كمان إن عملية الاختيار تمت وفق البيانات المتوفرة لدى الجهات المختصة بقطاع التعليم العام، وأنه بسبب تسجيل بيانات الهيئة التعليمية بجنسية المعلم، تم إدراج بعض أسماء أبناء الكويتيات ضمن الأسماء المشمولة بالإحلال..
كمان في حال ورود اسم أحد المعلمين من أبناء الكويتيات ضمن الكشوف يكون بسبب عدم تحديث البيانات لإن أغلبهم معاهم جنسيات محددة ، وفي حالة لو مش من أبناء الكويتيات هيتم التعامل معاهم على أساس جنسياتهم”، وده حسب البيان اللي نشرته الوكالة الكويتية.
وأي مدرس من الفئات المستثناة وورد اسمه فى الكشوف، لازم يراجع مكتب الوكيل المساعد للتعليم العام بديوان عام الوزارة ،ويكون معاه صورة من جنسية الأم وشهادة الميلاد علشان يتم إلغاء أسمائهم من الكشوف فورا ..
طبعا الكويت أعلنت عن تنفيذ خطة تكويت الوظائف من السنة اللى فاتت، وقالوا إن هيتم التطبيق على 3 مراحل ، المرحلة الأولى بدأت من سبتمبر اللي فات وهتخلص على أول يوليو الجاي..فياترى مصير المصريين الباقيين هناك إيه؟وهل ممكن تلحق نفسك وتقدم إستقالت وترجه مصر ولا هتستنى دورك لما يجى بالإستغناء عنك؟
