صورة غريبة لشيك بنكي انتشرت من فترة على مواقع السوشيال ميديا وتسبب في ضجة كبيرة بين الناس، مكتوب عليه جملة بتقول ” هام وحساس تسريب أموال”! فما حكاية هذا الشيك؟وما علاقة الدولة المصرية ، وهل فعلا مصر استقبلت تحويل مالي من الكويت بقيمة 350 مليون دينار كويتي؟ هذا ما سنعرفه من خلال التقرير التالي:
المثل بيقول “لو اللي بيتكلم مجنون يبقى المستمع عاقل” وده اللي أكده بنك الكويت المركزي بعد ما نفى إشاعة لشيك متداول على مواقع السوشيال ميديا بيقول إن مصر أخدت 350 مليون دينار كويتي “.
حكاية الشيك
هقولك ياسيدي، إحنا اتعودنا إننا نسمع عن كلام غريب من المعارضين لسياسة الحكومة المصرية، ولكن اللي الاشاعة اللي أطلقها واحد من المعارضين المقيمن في أمركيا كانت غريبة جدا ومفيش حد عاقل يصدقها. الإشاعة كانت بتقول إن دولة الكويت حوّلت مبلغ ضخم لحساب الدولة المصرية ولكن المبلغ ده مدخلش خزنة الدولة.
والناس اتفاجئت بصورة للشيك مكتوب عليها: “هام وحساس تسريب أموال”. الإشاعة كمان كانت بتقول إن الشيك ده صدر من بنك الكويت المركزي، بقيمة 350 مليون دينار كويتي، وبما يعادل وقتها 1,233.01 مليار دولار أمريكي.
طب الكلام ده حقيقي؟
لأ طبعًا وده اللي أكده البنك المركزي الكويتي لما نفى حقيقة المنشور، وقال كمان إن الكلام عن شيك مصدر ومسحوب على البنك بتاريخ 2013 ملوش أي أساس من الصحة، وإن صورة الشيك المعروضة والبيانات اللي عليها مش بـ تتطابق شيكات بنك الكويت المركزي، وإن نشر منشورات زي دي أو إعادة تداولها هيعرض صاحبها للمساءلة القانونية.
وفي كمان خبير مصرفي مصري نفى المنشور المتداول وقال إن صورة الشيك “فوتوشوب”، وده لأن في رقم المفروض يبقى على الشيك كل اللي شغالين في البنوك عارفينه والصورة المنتشرة مش عليها الرقم ده وهو رقم ” الآيبان” IBAN.
واللي أكد كلامه إن بنك الكويت المركزى أصدر تعليمات لتعميم استخدام الآيبان على كل حسابات البنوك من ٢٠١١ ، وتاريخ الشيك المتداول في 2013، وده طبعًا بيأكد إنه مفبرك .
ومش محتاجه أقولكم إن مصر والكويت بتربطهم علاقات تاريخية واستراتيجية قاييمة على التفاهم المتبادل وتوافق الرؤى بين البلدين وده في مختلف الملفات والموضوعات الاقليمية والعالمية
وأكيد الإشاعات دي مش بتأثر عليها، ده غير كمان إن الكويت ومصر بنهم حجم استثمارات كبير جدا وصل لـ 621 مليون دينار مع نهاية ديسمبر 2021، غير كمان إن الهيئة العامة للاستثمار الكويتية عاملة إيداع لـ 4 ودائع بقيمة 4 مليارات دولار أمريكي في البنك المركزي المصري.
ده كمان في علاقة وطيدة بتربط فخامة الرئيس عبد الفتاح السيسي وشقيقه الشيخ نواف الأحمد الجابر الصباح امير دولة الكويت واللي بتمثل أساس قوي لتعزيز التعاون الاقتصادي المشترك بين البلدين الشقيقين.
ده كمان الكويت بتستثمر في مصر في قطاعات كتيرة زي البنوك والغاز والبترول والخدمات المالية، والعقار والسياحة، وكمان الودائع الاستثمارية.
قولنا رأيك في مرودي الأشاعات عن الدولة المصرية وإيه الهدف منها؟
