انظر حولك ستجد مشاكل كثيرة بين أغلب المتزوجين،وتصل للإنفصال وبطرق صعبة على الطرفين ،والأصعب على الأولاد. هذا بالنسبة للمتزوجين الذىن فى طريقهم للإنفصال.
يجب أن تأخذ في الاعتبار أن قانون الزواج الجديد به رسوم وخطوات ستقوم بها لكي تدخل عش الزوجية،وكلنا الساعات الماضية ولا يوجد حديث إلا عن رسوم صندوق دعم الأسرة وقانون الزواج الجديد،ولا أحد يفهم لرجة أن الكثير من لشباب أسرع وقام بكتب كتابه قبل تطبيق هذا القانون، فما هي الررسوم الحقيقية ومهي تفاصيل هذا القانون؟ هذا ما سنتعرف عليه من خلال التقرير التالي:
مفيش كلام في مصر الأيام اللي فاتت إلا عن شروط الجواز الجديدة في مصر واللي هتطبقها الحكومة مع إنشاء صندوق دعم الأسرة، وسط كلام كتير عن أن العقد هيكون له رسوم حوالي 30 ألف جنيه.
طيب إطمن إن رسوم صندوق دعم الأسرة مش 30 ألف جنيه ولا حاجة،هم كلهم 500 جنيه،وده اللى أكده وزير العدل أن رسوم صندوق الأسرة مش مبلغ كبير زى ما متداول على مواقع التواصل الإجتماعي من لحظة الإعلان عن صندوق الأسرة.
الرئيس السيسي قال ليه بنعمل الصندوق ده عشان أي أسرة، والاختلاف وارد، وهما زعلانين من بعض مش عايزين يصرفوا، واللي بيضيع الأبناء، هنعمل صندوق الأسرة اللي هيتكفل بالمصاريف في فترة الزعل دى هذه الفترة وعن الرسوم الرئيس اللي يقدر يتزوج هيقدر يدفع الرقم ده.
يعنى الصندوق ده زى ما تقول كده نوايا تسند الزير فى الظروف الصعبة ، و مساعدة الأسرة في مواجهة النفقات والتحديات المرتبطة بمسائل الأحوال الشخصية.
نيجى بقى لقانون الزواج الجديد اللى شاغل بال كل المقبلين على الزواج ،واللى كان بيفكر صرف نظر عن الموضوع وخاف يتدبس فى مصاريف أكتر..
الحقيقة إن اللجنة المختصة شغالة دلوقتى على القانون الجديد للزواج وبمجرد الانتهاء منه هيتم عرضه على مجلسي الشيوخ والنواب ، حسب التصريحات الواردة من اللجنة المختصة ، العملية دى هتستغرق تستغرق أسابيع قليلة ،وهيتم تطبيق القانون خلال شهرين .
طيب إيه حكاية رسوم كتب الكتاب،اللى خلت الناس تجرى تلحق نفسها وبالطوابير على مكاتب المأذون ؟
ويمكن ده الشق الأكتر فى الموضوع اللى حاز على إهتمام كبير من الناس وزادت عمليات البحث عن رسوم كتب الكتاب فى الساعات اللى فاتت بعد الكلام عن قانون الاحوال الشخصية الجديد وأمور الزواج وصندوق دعم الأسرة.
بص يا سيدى حسب ما اللى إعتمدته نقابة المأذونيين الشرعيين في يناير 2022 ، كانت رسوم الزواج الجديدة كالتالي
مصاريف عقد الزواج أو التصادق بـ 600 جنيه، و ممكن يضاف لها رسم المؤخر وهيزيد المبلغ حسب قيمة المؤخر اللى هتتفقوا عليه،بمعنى هيتم إضافة 3% إذا كان المؤخر أقل من 5 آلاف جنيه و4% إذا كان أقل من 10 آلاف جنيه ،و5% من المؤخر إذا كان أكثر من كده.
أما عن مصاريف المراجعة فهتكون 600 جنيه، والطلاق الحضوري بـ600 جنيه، أما مصاريف الطلاق الغيابي فهي 800 جنيه.
زى ما شوفتوا الموضوع بسيط ومكانش محتاج كل الجدل والمعلومات المغلوطة اللى شوفناها الفترة اللى فاتت،ولا كان محتاج السربعة من الناس على كتب الكتاب بالعكس الدولة عاملة القانون ده لصالح المواطنين مش ضدهم ول إنتوا رأيكوا إيه؟
