سيدة قادرة بصحيح، هذا أقل وصف يمكن ان نصف به سيدة مصرية تعمل في التهريب ، لن تتخيل ماذا تهرب ، لانها تهررب هواتف أيفون ولكن بطريقة لا تخطر على عقل بشر، تابعونا من خلال التقرير لمعرفة التفاصيل:
الست المصرية غير أي ست، كلنا طبعا عارفين كده، تسد في أي حاجه، قلبها حديد، وبطلة فيديو النهاردة مثال على كده، حبت تستغل جمودية قلبها وجرائتها في أنها تعمل فلوس كتيرة من التهريب، ما هى بكام ضربة من اللى بتعملها دى تنغنغها فلوس.
الست شغالة في تهريب الموبايلات الغالية، الغاليه قووى، الايفون ياجماعة، ماهى عايزة تلعب بالفلوس لعب، المهم الست دى خلال الكام شهر اللى فاتوا كانت بتطلع رحلات كتير لدبى وترجع تانى لمصر، والظاهر أنها عملت كام صفقة قبل كده.
لحد ما النهاردة شكل فيها رجاله جمارك مطار برج العرب، ووقفوها في المطار وفتشوا الشنط بتاعتها واحدة والتانية، وبردوا ما لقاوش حاجه، وبما أن محدش يقدر الست غير الست، طلع أن كان فيه مفتشة في جمارك المطار، اسمها بسمة كمال، حبت تعمل الواجب، وحلفت أنها تفتش الست دى بنفسها شخصيا.
وهنا كانت المفاجأة، لما فتشتها أكتشفت أن أكتر من 300 موبايل ايفون من غير العلب بتاعتها مخبياهم الست في هدومها الداخلية، ولفاها حوالين جسمها قريب من أماكنها الحساسة، عملتها ازاى دى احنا مش عارفين، بس خليكم فاكرين احنا قولنا عليها من البداية أنها ست قادرة، فا قشطة عادى يعنى، تعمل أكتر من كده كمان.
رجاله جمارك المطار لما شافت الموبايل انصدمت من عددها، و ازاى الست دى قدرت تعمل كده، وهى اللي وشها كله دلع وبراءة، ده طلعت قيمة الجمارك اللى على الموبايلات تساوى أكتر من نص مليون جنيه، بالظبط عاملين 584 ألف جنيه.
أتصدمتوا صح؟ أهو ده بالظبط اللى حصل مع رجالة الجمارك، اللى قاعدين بيسألو نفسهم دلوقتى الست دى عملت كده كام مره قبل كده، وياترى كسبت قد إيه من العمليات دى، أكيد عملت مبلغ محترم.
الغريبة دلوقتى أن فيه ناس على السوشيال ميديا بتقول ان اللى الست دى عملته، عملته عشان مصلحتها، وأن اللى يعرف يعمل زيها ويقلدها يعمل، ويهرب من الجمارك، الحقيقة أحنا شايفين التكفير ده غلط، ولازم نمنع عمليات التهريب كلها.
بس إحنا بردوا حابين نعرف رأيكم أنت كمان فى اللى الست دى عملته، هل أنتم مع الرأي أن اللى عملته غلط وتستحق العقاب، ولا اللى يقدر يهرب موبايلات يهرب عادى، حتى لو هيتاجر فيها ومش هدايا ولا حاجه من دى.
اكتبوا رأيكم في التعليقات.
